Record bersonol hanesyddol i Aled Siôn Davies yn Birmingham

 
Aled Siôn Davies yn Rio

Aled Siôn Davies yn Rio

Llun: PA

Cyflawnodd y Cymro Cymraeg Aled Siôn Davies record bersonol wrth daflu’r pwysau mewn cyfarfod dan do yn Birmingham neithiwr.

Dyma’r tro cyntaf i bara-athletwr gystadlu yn y pencampwriaethau yn erbyn athletwyr heb anableddau.

Taflodd e’r pwysau 15.42 metr i orffen yn chweched yn y gystadleuaeth.

Mae’n anelu i gystadlu yng Ngemau’r Gymanwlad 2022 yn erbyn athletwyr heb anableddau. Ond fydd e ddim ar yr Arfordir Aur yn Awstralia eleni gan nad yw’r ddisgyblaeth yn cael ei chynnig.

Ei nod ymhen pedair blynedd fydd taflu’r pwysau 18.50 metr.

Ei record byd – gyda’r pwysau ysgafnach – yw 17.52 metr.

Olivia Breen

Ar ôl cael ei henwi’n Athletwraig y Flwyddyn yng Nghymru, roedd y bara-athletwraig Olivia Breen hefyd yn cystadlu yn erbyn athletwyr heb anableddau.

Roedd hi’n cystadlu yn y naid hir, a gorffennodd hi’n wythfed wrth neidio 4.58 metr ar ei hymgais olaf ar ôl pedair naid aflwyddiannus.

Bydd hi’n cystadlu yn y naid hir a’r ras 100 metr ar yr Arfordir Aur.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn