Mark Williams yn curo Mark Selby ym Meistri’r Snwcer

 
Mark Williams

Mark Williams

Llun: Martin Rulsch drwy Gomin Wicimedia

Mae’r Cymro o Went, Mark Williams drwodd i wyth olaf cystadleuaeth snwcer Meistri Prydain yn yr Alexandra Palace yn Llundain.

 

Fe gurodd e’r Sais Mark Selby o chwe ffrâm i bump yn y rownd gyntaf ddoe.

 

Mae Williams – un o ddau Gymro sydd ar ôl yn y gystadleuaeth ynghyd â Ryan Day – wedi ennill y gystadleuaeth ddwywaith yn y gorffennol – yn 1998 a 2003.

 

Fe ddechreuodd e gyda rhediad o 135 yn y ffrâm agoriadol, a dyblu ei fantais gydag 89 yn yr ail ffrâm.

 

Ond fe darodd ei wrthwynebydd o Gaerlŷr yn ôl i sicrhau mantais o bum ffrâm i dair.

 

Y Cymro enillodd y ddwy ffrâm ganlynol i’w gwneud hi’n bum ffrâm yr un.

 

Y Sais oedd ar y blaen am ran helaeth o’r ffrâm olaf, ond methodd e’r bêl goch olaf i roi cyfle i’r Cymro glirio’r bwrdd a sicrhau’r fuddugoliaeth.

 

Fe fydd e’n herio naill ai Barry Hawkins neu Kyren Wilson yn rownd yr wyth olaf ddydd Gwener.

 

Dywedodd Mark Williams ei fod e “ar ben ei ddigon” yn dilyn y fuddugoliaeth, a’i fod yn “chwarae dipyn gwell nag ydw i wedi chwarae ers nifer o flynyddoedd”.

 

Ryan Day v Ding Junhui (rownd gyntaf), dydd Llun, Ionawr 15 (1 o’r gloch)

 

Mark Williams v Barry Hawkins / Kyren Wilson, dydd Gwener, Ionawr 19 (7 o’r gloch, BBC2)

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd