‘Futsal’ i’r byddar: seren Big Brother a brawd Joe Allen tros Gymru

Diweddarwyd am  

Llun: Cymdeithas Bêl-droed Cymru

Mae cyn-enillydd cyfres bry’-ar-y-wal Big Brother a brawd chwaraewr canol cae Cymru, Joe Allen, ymhlith aelodau tîm futsal Cymru i’r byddar, wrth iddyn nhw baratoi ar gyfer gemau rhagbrofol Pencampwriaethau Ewrop.

Mae futsal yn gêm sy’n debyg iawn i bêl-droed, a’r prif wahaniaeth yw bod futsal yn cael ei chwarae o dan do ar lawr caled, gyda phum chwaraewr yn aelod o bob tîm – yn hytrach na’r 11 arferol.

A dros gyfnod o ddau ddiwrnod ar Ionawr 19 a 20, fe fydd carfan futsal Cymru i’r byddar yn herio tair gwlad, sef Sweden, Bosnia-Hertsegofina a Thwrci, a hynny yng ngemau rhagbrawf Pencampwriaethau Ewrop sy’n cael eu cynnal ar Gampws Cyncoed, Prifysgol Met Caerdydd.

Capten y tîm fydd Sam Evans o Lanelli, a ddaeth i’r brig yn y rhaglen realaeth, Big Brother, yn 2013, ac mae Harry Allen, sef brawd y pêl droediwr Joe Allen, yn gobeithio chwarae wrth iddo ddisgwyl clywed cadarnhad ynglŷn â’i ffitrwydd, ar ôl derbyn anaf yn ddiweddar.

Chwarae o’r safon uchaf

Yn ôl rheolwr y tîm, Ashley Thomas, mae’r gemau sydd o’u blaenau yn mynd i fod yn rhai “anodd”, ond mae ganddo hyder yn ei dîm ifanc ac mae’n gobeithio’n fawr y bydd pobol yn dod i’w cefnogi.

“Rydyn ni eisiau denu cymaint o dyrfa i gefnogi’r tîm ag sy’n bosib,” meddai. “Mae yna lot o egni a dw i’n credu y bydd llawer o bobol yn cael eu synnu o weld y safon uchel hefyd.

“Dw i’n gobeithio y caiff blant byddar yng Nghymru arwyr newydd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd