Albanwyr yn dathlu llwyddiant Andy Murray

Diweddarwyd am  


Mae Albanwyr blaenllaw wedi llongyfarch y chwaraewr tenis Andy Murray ar ôl iddo gyrraedd rhif un ar restr detholion y byd am y tro cyntaf erioed.

Doedd ond angen i Murray, 29, gyrraedd rownd derfynol cystadleuaeth Meistri Paribas ym Mharis er mwyn cyrraedd y brig, gan ddisodli Novak Djokovic.

Fe fu’n rhaid i’w wrthwynebydd Milos Raonic dynnu’n ôl cyn eu gêm gyn-derfynol oherwydd anaf, gan sicrhau lle Murray yn y llyfrau hanes.

Dywedodd Murray fod ei lwybr i’r brig wedi bod “ychydig yn rhyfedd” ac yn “anffodus” i Raonic.

“Mae cyrraedd fan hyn yn golygu 12 mis o gystadlaethau. Y misoedd diwethaf yw’r rhai gorau yn fy ngyrfa a dw i’n falch iawn o gael yr eiliad hon.”

Enillodd Murray gystadleuaeth Wimbledon yn gynharach eleni, ac fe gadwodd ei afael ar ei deitl Olympaidd yn Rio.

Fe fydd Murray yn wynebu’r Americanwr John Isner yn y rownd derfynol ddydd Sul (2 o’r gloch), sef deuddegfed gêm derfynol ei yrfa.

Murray yw’r chwaraewr cyntaf erioed o wledydd Prydain i gyrraedd rhif un yn y byd.

Ond nid Andy yw’r Murray cyntaf i gyrraedd y brig – fe gyrhaeddodd ei frawd Jamie safle rhif un y dyblau ddechrau’r flwyddyn.

Yn ôl y seiclwr Olympaidd Syr Chris Hoy ar Twitter, Murray yw’r “pencampwr gorau erioed” yn hanes yr Alban.

Dywedodd Prif Weinidog yr Alban fod llwyddiant Murray yn “gamp anhygoel”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd