Gemau Olympaidd: Tîm Prydain yn ail

 


Gyda rhagor o fedalau aur gan Andy Murray a Max Whitlock dros nos, mae tîm gemau Olympaidd Prydain nawr yn ail yn y tabl medalau yn Rio.

Llwyddodd y golffiwr Justin Rose a’r beiciwr Jason Kenny i ychwanegu dau aur arall i’r cyfanswm o bump medal aur mewn 24 awr i’r tîm.

Mae gan y tîm gyfanswm o 38 o fedalau gydag 15 ohonynt yn aur. Mae’n golygu bod Tîm Prydain wedi goddiweddyd Tsieina i’r ail safle y tu ôl i’r Unol Daleithiau.

Tenis

Trwy amddiffyn y fedal aur enillodd o’n Llundain yn 2012, llwyddodd Andy Murray, 29, i ddod y chwaraewr tenis cyntaf i ennill ddwywaith yn olynol yn y Gemau Olympaidd.

Llwyddodd i guro Juan Martin Del Potro o’r Ariannin mewn gêm hirfaith a barodd am fwy na phedair awr.

Llwyddodd gymnastwr Max Whitlock, 23, i ennill dwy fedal aur 75 munud a llwyddodd y beiciwr Jason Kenny, 28, i gipio bumed medal aur yn y felodrôm.

Daeth medal aur arall gan y golffiwr Justin Rose, 36, o Hampshire a lwyddodd i gael y twll mewn un cyntaf erioed yn hanes y Gemau Olympaidd yn gynharach yn gystadleuaeth.

Bolt ar y blaen

Ar y trac athletau, Usain Bolt o Jamaica yw’r dyn cyntaf i ennill tair medal aur yn y ras 100m yn y Gemau Olympaidd a llwyddodd Wayde van Niekerk o Dde Affrica i chwalu record byd 400 metr Michael Johnson sydd wedi dal am 17 o flynyddoedd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn