Selby yn troi’r byrddau ar O’Sullivan

 


Mark Selby
Fe wnaeth Mark Selby gipio buddugoliaeth o enau Ronny O ‘Sullivan neithiwr i ennill rownd derfynol Pencampwriaeth Snwcer y Byd yn y Crucible yn Sheffield.

Roedd y gŵr 30 oed o Gaerlŷr yn colli 8-3 ac 10-5 yn erbyn y chwaraewr profiadol Ronny O ‘Sullivan ond fe drodd pethau ben i waered a churo 18-14 i ennill ei deitl Pencampwr Byd cyntaf.

Roedd Ronny O ‘Sullivan, sydd erioed wedi colli yn rownd derfynol y bencampwriaeth, yn ceisio ennill ei drydydd teitl yn olynol a’r chweched yn ei yrfa.

Wrth godi cwpan yr enillydd, fe wnaeth Selby gofio am ei dad, fu farw pan oedd o’n 16 oed:

“Bu farw fy nhad o ganser ddau fis cyn i mi droi yn broffesiynol, a’i eiriau olaf i mi oedd, ‘Dw i isio i ti fod yn bencampwr byd’. Mae hyn i gyd er cof amdano fo,” meddai Mark Selby.

Bydd Selby yn derbyn £300,000 am ennill y bencampwriaeth.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd