Malcolm Struel yn marw yn 78 oed

 


Mae Malcolm Struel, cyn Gadeirydd clwb pêl-droed Abertawe wedi marw yn 78 oed.

Yn gynharach eleni, bu mewn damwain gyda lori ger Penybont-ar-Ogwr a chafodd ei gludo i’r ysbyty mewn hofrennydd.

Ar ôl cymryd yr awenau oddi wrth David Goldstone yn 1972, roedd Malcolm Struel wedi buddsoddi  miloedd o bunnoedd i atal y clwb rhag  cau oherwydd problemau ariannol.

Hefyd cafodd y clod o benodi John Toshack i ymgymryd y rôl fel rheolwr-chwarewr.

Ar ôl hyn, fe gododd yr Elyrch o waelod y gynghrair isaf i gystadlu a’r goreuon yn y wlad.

Fe ymddiswyddodd Malcolm Struel yn 1983, wrth i’r clwb barhau i ddioddef  problemau ariannol.

Bu hefyd yn Gadeirydd Ymddiriedolaeth Hosbis Ty Olwen am 23 o flynyddoedd.

“Bydd Malcolm yn cael ei gofio fel arweinydd y clwb drwy gyfnod cofiadwy yn hanes clwb pêl-droed Abertawe,’’ meddai Huw Jenkins, Cadeirydd presennol Abertawe.

‘Fel cadeirydd yr wyf yn sylweddoli’r gwaith caled, yr amser a’r ymrwymiad a wnaeth Malcolm i arwain y clwb i’r cyfeiriad cywir.  Rwy’n siŵr y bydd pob cefnogwr yn ymwybodol ac am gofio am yr hyn a wnaeth i’r clwb,’’ ychwanegodd Jenkins.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd