“Rôl S4C yn bwysicach nag erioed”

Diweddarwyd  

Mae Prif Weithredwr S4C wedi dweud wrth Golwg bod gwaith y Sianel Gymraeg “yn bwysicach nag erioed” yn y cyfnod corona.

Ac mae Owen Evans wedi datgelu bod “cannoedd” o wylwyr wedi cysylltu i ddangos gwerthfawrogiad.

Fe gafodd y gwasanaeth Hansh i bobol ifanc ar y We filiwn o hits mewn mis am y tro cynaf ym mis Mawrth, ac mae’r Prif Weithredwr yn dweud fod y penderfyniad i ddarlledu oedfa ar y Sul wedi mynd lawr yn dda efo’r gwylwyr traddodiadol.

“Ryden ni wedi cael cannoedd o e-byst mewn gan y gynulleidfa, yn dweud diolch am beth ryden ni’n wneud, ac yn cynnig syniadau, sylwadau,” meddai Owen Evans.

“Felly i fod yn deg, mae’r tîm yn S4C a’r cyflenwyr i gyd yn gweithio oriau mawr ar y funud, i wneud yn siŵr eu bod nhw yn ymdopi.

“Ac mae i’w weld bod y gynulleidfa yn gweld. Achos be ddywedwyd yr holl ffordd trwy hwn yw: ‘Yma i chi mae S4C’.

“A dw i’n credu, mewn sefyllfa fel hyn, mae rôl S4C yn bwysicach nag erioed.”

Miloedd mwy yn gwylio S4C, a “miliynau” ar gael ar gyfer rhaglenni newydd – rhagor gan Owen Evans yn rhifyn yr wythnos o gylchgrawn Golwg.

Y Sgrîn

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn