Iwan John yn mynd ‘Hyd y Pwrs’ eto

Diweddarwyd  
S4C Comedi

S4C Comedi, gwasanaeth ar-lein newydd

Llun: S4C

Llynedd, ymddangosodd yr actor Iwan John a’r cerddor Steffan Rhys Williams ar raglen ‘Drych: Aros am Aren’ ar S4C i siarad am eu profiad o drosglwyddo aren o’r naill gyfaill i’r llall.

Gydag un o arennau Iwan John wedi methu’n llwyr, a’r llall yn dirywio, roedd y rhaglen yn dilyn bywyd yr actor wrth iddo aros am drawsblaniad.

Creu comedi newydd

Ddiwedd yr wythnos hon mi fydd Iwan a Steffan ar S4C unwaith eto, ond yn cyflwyno cyfres newydd o’u rhaglen gomedi, ‘Hyd y Pwrs’.

“Mi fu’r hwyl o greu’r gyfres yn help i gynnal fy ysbryd i drwy’r flwyddyn anodd a aeth heibio” meddai Iwan John.

Yn ymuno â nhw fydd Dion Davies, Rhodri Evan, Aeron Pugh a Rolant Prys.

Mae’r perfformwyr i gyd wedi cyfrannu at y broses ysgrifennu a chreu, ac yn ôl y tîm cynhyrchu, Euros Lewis a Rhys D Williams, mae’r fenter o ymddiried yng nghreadigrwydd Iwan a’r criw yn allweddol i egni a gwreiddioldeb y bedair rhaglen.

Yn ymuno â chwmni ‘Hyd y Pwrs’ mae un neu ddau o brif selebs S4C yn chwarae eu hunain. Ond mae llawer mwy ohonyn nhw’n ymddangos trwy ddychan drygionus Iwan a’r criw.

Mae Iwan John yn gobeithio y “bydd gwylio Hyd y Pwrs’ yn help i gynnal ysbryd gwylwyr S4C drwy’r cyfnod anodd hwn nawr.”

Bydd y bennod gyntaf o bedair yn cael ei darlledu ar S4C, nos Sadwrn, 11 Ebrill am 9 o’r gloch.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn