Ruth Jones a sut i gadw cyfrinach Gavin & Stacey

 
Ruth Jones

Ruth Jones a’i chymeriad Nessa ar lwyfan

Llun: Bryan Ledgard trwy Wikimedia Commons

Mae’r aedur a’r actores Ruth Jones wedi datgelu ei bod wedi defnyddio ei nith naw oed i geisio cadw rhaglen Nadolig, Gavin & Stacey yn gyfrinach.

Mae’r sitcom yn dychwelyd am raglen Nadolig, naw mlynedd wedi i’r gyfres ola’ ddod i ben.

Creodd Ruth Jones y sioe ar y cyd â James Corden a chyhoeddodd y ddau fod y sioe yn dychwelyd am raglen Nadolig ym mis Mai eleni.

Mae Ruth Jones, sy’n chwarae rhan Nessa, wedi datgelu sut mae hi wedi bod yn cadw’r sioe yn gyfrinach.

Tra ar archwiliad strategol i dref Barri, lle mae’r sioe wedi ei seilio, aeth Ruth Jones gyda’i nith i allu ei defnyddio petai pobol yn holi pam ei bod hi yno.

Ond mewn gwirionedd roedd hi yno i ymweld â pherchennog y tŷ a gafodd ei ddefnyddio ar gyfer y rhaglen.

“Pan dw i wedi bod yn ôl i Barri, mae yno bobol yn cymryd lluniau tu allan i’r tŷ ac os ydyn nhw’n fy ngweld i, maen nhw’n dueddol o fod eisiau llun,” meddai Ruth Jones.

“Ond pe bae’n nhw’n fy ngweld ar ben fy hun, fe fyddai hynny yn amheus, felly mi es i gyda fy nith naw oed.”

Y Sgrîn

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn