Yr iaith Gymraeg i’w chlywed ar Star Trek

Diweddarwyd  

Y gofod

Llun: CCO

Mae’r iaith Gymraeg i’w chlywed ar y bennod ddiweddaraf o Star Trek sydd ar gael o heddiw (Dydd Gwener, Chwefror 8) ymlaen ar Netflix.

Roedd Ioan Talfryn, sy’n dysgu Cymraeg i oedolion, yn gwylio pedwaredd bennod yr ail gyfres pan glywodd y Gymraeg yn cael ei siarad, a hynny rhyw ddeng munud i mewn i’r rhaglen.

Saesneg yw’r iaith arferol ar Star Trek “achos bod ganddyn nhw rywbeth o’r enw universal translator yno,” esbonia Ioan Talfryn wrth golwg360, “ond yn sydyn iawn yn y bennod newydd, mae pawb yn dechrau siarad pob math o ieithoedd.

“Maen nhw’n siarad Eidaleg, Sbaeneg, Ffrangeg ac yn y blaen – ac yn sydyn iawn mae’r boi yma’n dechrau siarad Cymraeg,” meddai.

Ar waelod y sgrin mae is-deitlau yn dweud “speaking in Welsh” tra mae cymeriad yn dweud rhyw ddwy frawddeg yn Gymraeg cyn gorffen gyda: “Dyma ddigwyddodd BANG!”

Miliynau yn gwylio

Mae cael y Gymraeg ar Star Trek yn arwyddocaol iawn wrth ystyried y miliynau o bobol sy’n gwylio Netflix, a hynny ar draws y byd, yn ôl Ioan Talfryn.

“Mae’r Gymraeg wedi bod mewn ffilmiau a ballu, ond dyw pobol yn aml ddim yn sylweddoli mai Cymraeg ydy o,” meddai.

Yn wir, mae’r Gymraeg i’w chlywed ar ddechrau’r ffilm Empire of the Sun, ac roedd iaith yr Elves ar ffilmiau Lord of the Rings, o lyfr J. R. R Tolkien, wedi ei seilio ar y Gymraeg.

“Mae’r ffaith bod Netflix yn America wedi ystyried rhoi’r Gymraeg ar rywbeth yn rhywbeth mawr iawn,” meddai Ioan Talfryn.

“Bydd nifer o bobol yn chwilfrydig ar draws y byd wrth glywed iaith wahanol ar y rhaglen.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018