BAFTA i gyfres am sombis ar S4C

Diweddarwyd am  
Prosiect Z - y gyfres antur ar gyfer pobol ifanc ar S4C

Prosiect Z – y gyfres antur ar gyfer pobol ifanc ar S4C

Llun trwy law S4C

Mae rhaglen ar gyfer pobol ifanc ar S4C wedi llwyddo i ennill gwobr BAFTA Plant 2018.

Fe dderbyniodd y gyfres gêm, Prosiect Z, y wobr yn ystod seremoni BAFTA yn Llundain neithiwr (Tachwedd 25), sy’n gwobrwyo rhaglenni blaengar ym maes cyfryngau plant yng ngwledydd Prydain.

Cafodd y gyfres, sy’n gynhyrchiad gan Boom Cymru, ei henwebu yn y categori Adloniant.

Mae’r rhaglen ei hun yn dilyn  grwpiau o blant ysgol sy’n ceisio cwblhau tasgau er mwy dianc o’u hysgolion sy’n llawn sombis o’r enw ‘Zeds’.

“Wrth ein bodd”

“Rydym ni wrth ein bodd fod Prosiect Z wedi ennill gwobr BAFTA plant,” meddai Sioned Wyn Roberts, Comisiynydd Cynnwys Plant S4C.

“Mae’r tîm Cynhyrchu wedi creu fformat hollol wreiddiol a beiddgar sy’n torri tir newydd ac mae’r wobr yma’n cydnabod eu creadigrwydd a’u gwaith caled. Llongyfarchiadau i’r criw.”

Yn gynharach eleni, cafodd Prosiect Z ei henwebu ar gyfer gwobr Prix Jeunesse International, gan gael ei chynnwys ar y rhestr fer o blith dros 400 o gynigion gan ddarlledwyr y byd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018