Gradd er anrhydedd i gyn-Brif Weithredwr S4C

Diweddarwyd am  

Ian Jones yn derbyn ei radd DLitt gan Brifysgol Abertawe

Llun: Prifysgol Abertawe

Mae cyn-Brif Weithredwr S4C, Ian Jones, wedi cael ei anrhydeddu â gradd DLitt gan Brifysgol Abertawe heddiw.

Daw Ian Jones yn wreiddiol o Dreforys, ger Abertawe, ac ar ôl bod yn aelod o dîm sefydlu S4C yn 1982, bu’n gweithio ar raglenni rhwydwaith adloniant gydag ITV ac yn gynhyrchydd annibynnol, cyn ailymuno ag S4C fel Cyfarwyddwr Busnes, Cynyrchiadau Rhyngwladol a Chydgynyrchiadau rhwng 1992 a 1997.

Bu wedyn yn dal swyddi uwch gyda Scottish Television, United News And Media (ITEL) a Granada International, ynghyd â bod yn Gadeirydd Diwydiant Dosbarthiad Teledu Prydain (BTDA), Llywydd National Geographic Television International, a Chyfarwyddwr Rheoli’r grŵp adloniant Targed.

Dychwelodd unwaith yn rhagor i S4C yn 2011, lle bu’n Brif Weithredwr tan 2017.

Braint

Wrth dderbyn y radd yn seremoni raddio’r Ysgol Reolaeth, dywedodd Ian Jones ei bod yn “fraint” derbyn yr anrhydedd gan Brifysgol Abertawe.

“Cefais fy ngeni a’m magu yn Abertawe,” meddai, “ac fe ddarparodd fy mywyd cynnar a ’mhrofiad academaidd yn y maes, y sylfaen amhrisiadwy ar gyfer gyrfa yn y diwydiant teledu.

“Mae’r yrfa honno wedi caniatáu i mi weithio ledled y byd mewn llefydd mor bell i ffwrdd ag Efrog Newydd a Washington, Beijing a Sydney.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd