Cafodd trefnwyr gŵyl Gymraeg ym Mlaenau Ffestiniog eu syfrdanu cymaint gan lwyddiant y digwyddiad y llynedd, fel eu bod nhw wedi ychwanegu noson arall at yr arlwy eleni.
Bydd Gŵyl Car Gwyllt yn cael ei chynnal dros y penwythnos ar faes parcio Clwb Rygbi Bro Ffestiniog, gan gychwyn heno (nos Wener, Gorffennaf 5).
Mae enwau mawr ymhlith perfformwyr y tridiau nesaf, gan gynnwys Bryn Fôn a’r Band, Geraint Løvegreen a’r Enw Da ac Anweledig.
Bydd y wledd gerddorol ar un llwyfan ar nos Wener ac yna ar ddau lwyfan ddydd Sadwrn. Bydd yr ŵyl yn dod i ben ddydd Sul gyda sesiwn gerddorol gan Jamie Bevan yn nhafarn Y Tap.
Mynd o nerth i nerth
Yn ôl Dewi Prysor, un o’r trefnwyr, mae tocynnau’r ŵyl wedi gwerthu “fel slecs” eleni, sy’n brawf bod llwyddiant y llynedd “wedi cario ymlaen”, meddai.
Mae’n ychwanegu bod angen digwyddiad fel Gŵyl Car Gwyllt ar dref Blaenau Ffestiniog, lle mae “petha’n cau a phetha’n symud oddi yma”.
“Mae gen ti betha da fatha’r Dref Werdd yn gweithio’n gymunedol, a chwmni Bro Ffestiniog, ond mae’r ŵyl yma jyst yn dod â phawb at ei gilydd i fwynhau ac yn rhoi pawb mewn ffrâm bositif o feddwl,” meddai Dewi Prysor, sydd wedi bod ynghlwm â’r ŵyl ers ei chychwyn yn 1997.
“Mae’n golygu popeth iddyn nhw [trigolion Blaenau Ffestiniog], ac maen nhw’n edrych ymlaen bob blwyddyn.
“Mae fatha Dolig ynghanol ha’.”
Nos Wener
Maes parcio Clwb Rygbi Bro Ffestiniog
7.00 – Gwibdaith Hen Frân
8.10 – Geraint Løvgreen a’r Enw Da
9.20 – Gai Toms a’r Banditos
10.30 – Bryn Fôn a’r Band
Dydd Sadwrn
Llwyfan Maes Parcio
1.00 – Mared Jeffreys
1.15 – Jambyls
2.45 – Pasta Hull
4.15 – Anweledig
5.45 – Tri Hŵr Doeth
7.15 – Bob Delyn a’r Ebillion
9.00 – Mellt
10.30 – One Style MDV
Llwyfan y Clwb
2.00 – Twmffat
3.30 – Faux Felix
5.00 – Estella
6.30 – Phil Gas a’r Band
8.15 – Gwilym Bowen Rhys
9.45 – Radio Rhydd
Dydd Sul
Jamie Bevan yn nhafarn Y Tap
