Cyn-enillydd ‘Cân i Gymru’ yn plesio beirniaid ‘The Voice’

Diweddarwyd am  
The Voice

The Voice

Logo The Voice

Mae cyn-enillydd ‘Cân i Gymru’, Tesni Jones wedi cyrraedd rownd nesa’r rhaglen ITV, ‘The Voice’.

Perfformiodd hi’r gân roc Highway to Hell gan AC/DC cyn i Tom Jones a Jennifer Hudson droi eu seddi i gynnig lle iddi yn y rhaglen.

Yn wreiddiol o Fae Colwyn, mae’r Gymraes a ddaeth i amlygrwydd gyda’r band Pheena bellach yn byw yn Swydd Gaint, ac mae hi’n disgrifio’i hun fel “mam lawn amser a chantores ran-amser”, gan ddweud bod ganddi “rywbeth i’w gynnig o hyd”.

Enillodd hi gystadleuaeth ‘Cân i Gymru’ yn 2011 gyda’i pherfformiad o Rhywun yn Rhywle gan Ynyr Roberts (Brigyn) a Steve Balsamo.

Ymateb

Dywedodd fod Jennifer Hudson wedi’i “hysbrydoli” i rannu ei hamser rhwng bod yn fam a bod yn gantores, gan ychwanegu ei bod hi “wedi aros am amser hir am eiliad fel hon”.

Dywedodd Will.i.am fod ei pherfformiad yn “aruthrol”, yn enwedig pan darodd hi’r nodau uchel, a dywedodd ei bod yn “destun balchder” ei bod hi’n parhau i “ddilyn ei breuddwyd”.

Ychwanegodd Jennifer Hudson fod gweld eu mam yn dilyn eu breuddwydion “yn ysbrydoli plant i ddilyn eu breuddwydion nhw hefyd”.

Gofynnodd hi: “Beth wyt ti’n ei ganu i roi’r babi i gysgu?!” cyn egluro ei bod hi’n gallu “uniaethu” â’r Gymraes.

Penderfyniad

Wrth egluro’i phenderfyniad i ddewis tîm Jennifer Hudson, dywedodd Tesni Jones: “Dw i’n credu, er lles y mamau, y bydda i’n mynd gyda Jennifer.

“Ro’n i’n syfrdan fod un person wedi troi hyd yn oed. Ond roedd rhywbeth am Jennifer oedd yn teimlo’n iawn. Cael fy mhlentyn a chwrdd â fy mhartner oedd eiliadau gorau ‘mywyd. Ond mae hyn yn bendant i fyny’n fan’na yn rhywle.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn