Teyrngedau i Iwan Huws, drymiwr band Yucatan

Diweddarwyd am  

Mae teyrngedau wedi’u rhoi i ddrymiwr y band roc Yucatan, yn dilyn adroddiadau bod ei gorff wedi cael ei ddarganfod ar fynydd Tryfan yn Eryri.

Mae Iwan Huws, oedd yn byw yn Rhosgadfan ond wedi’i fagu ym mhentref Llanllyfni, wedi’i ddisgrifio fel cerddwr profiadol, ond wnaeth e ddim dychwelyd adref ar ôl bod yn cerdded ar y mynydd ac fe fu mwy na 40 o bobol o dimau achub mynydd allan yn chwilio amdano.

Mae adroddiadau mai corff Iwan Huws gafodd ei ddarganfod, ond dydi’r corff ddim wedi’i adnabod yn ffurfiol eto.

Mae ymchwiliad ar y gweill.

Teyrngedau ar Twitter

Ymhlith y rhai sydd wedi rhoi teyrnged i Iwan Huws ar wefan gymdeithasol Twitter mae clybiau pêl-droed ei ddyffryn genedigol.

Dywed Clwb Pêl-droed Talysarn: “Hoffai’r clwb gydymdeimlo gyda theulu a ffrindiau Iwan Huws. Pleser oedd cael rhannu ystafell newid gyda Iwan fel y gwnaeth llawer un yn y dyffryn. Diolch am dy gwmni.”

Dywed Clwb Pêl-droed Llanllyfni: “Hoffai CPD Llanllyfni gynnig ein cydymdeimlad dwysaf i deulu a ffrindiau Iwan Huws, Clogwyn Melyn ar eu colled aruthrol. Roedd Iw yn aelod o dîm arbennig tymor 1af Llan – ac mor onest ar y cae chwarae ag ’oedd oddi arno. Amseroedd da.”

Fe fu band Yucatan yn perfformio droeon yng Ngŵyl Rhif 6, ac fe ddywedodd y trefnwyr: “Rydym yn wirioneddol drist o glywed am golli’r drymiwr Iwan Huws o @Yucatanambyth, y cawson ni’r pleser o’i groesawu i Rif 6 nifer o weithiau. Anfonwn ein meddyliau at deulu a ffrindiau Iwan.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018