Adwaith yn cael mynd i’r Eidal

Diweddarwyd am  

Fe fydd y band ‘Adwaith’ o Gaerfyrddin yn perfformio mewn gŵyl yn yr Eidal ddiwedd y mis.

Daeth cyhoeddiad gan gwmni recordiau Libertino y bydd y triawd o ferched – Hollie, Gwenllian a Heledd – yn ymddangos yng ngŵyl SUNS Europe rhwng Tachwedd 30 a Rhagfyr 2.

Byddan nhw’n perfformio yn y gig agoriadol yng nghlwb roc 60 yn Udin ynghyd â La Basu o Bilbao a Tiny Feet o Lydaw.

Ar Ragfyr 1, fe fydd gan Gruff Rhys raglen radio ar Radio Onde Furlane.

Ar Ragfyr 2, fe fydd ei ffilm Separado, sy’n olrhain ei daith i Batagonia, yn cael ei dangos, ac fe fydd e’n ymddangos ar banel traws-Ewropeaidd.

Y digwyddiad

Gŵyl celfyddydau perfformio Ewropeaidd mewn Ieithoedd Lleiafrifol yw SUNS Europe, ac mae’n cael ei chynnal yn Teatro Nuovo Giovanni da Udine.

Yn ôl y trefnwyr, Radio Onde Furlane, dyma’r “ŵyl Ewropeaidd bwysicaf i’r celfyddydau perfformio mewn ieithoedd lleiafrifol”.

Roedd y gwahoddiad i berfformio’n agored i gerddorion, gwneuthurwyr ffilmiau, awduron ac actorion.

Dyma fydd y trydydd tro i’r digwyddiad gael ei gynnal, ac fe fydd perfformwyr yno o Gymru, Gwlad y Basg, Grisons, Llydaw, Galicia, Sachsen, Occitania, Sapmi, Iwerddon, Sardinia a Buryatia ger Mongolia.

Mae tocynnau i’r digwyddiad ar gael yn rhad ac am ddim.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd