Ymateb cymysg i nofel oedolion gyntaf JK Rowling

 


Mae nofel oedolion gyntaf JK Rowling, awdures y gyfres Harry Potter, wedi derbyn ymateb cymysg gan feirniaid llenyddol.

Mae ei nofel The Casual Vacancy yn cael ei gyhoeddi heddiw.

Dywedodd golygydd llyfrau’r Daily Mirror y gallai’r darllenwyr gael sioc, gan ychwanegu fod y llyfr yn cynnwys “iaith anweddus” a’i fod yn “frwnt ac yn llwm iawn”.

Ychwanegodd, serch hynny, ei fod wrth ei fodd a bod y llyfr yn cynnig “darlun difyr o’r gymdeithas Brydeinig heddiw”.

Cafodd y llyfr ei alw’n “faniffesto sosialaidd diddiwedd sy’n esgus bod yn llenyddiaeth” gan Jan Moir o’r Daily Mail.

Gofynnodd Jan Moir “pwy feiddiai olygu gwaith yr awdures fwyaf llwyddiannus yn y byd?”

Roedd yna beth ganmoliaeth gan Allison Pearson o’r Daily Telegraph, a ddywedodd fod y llyfr yn “ddoniol”.

Cafodd ei ddisgrifio gan Boyd Tonkin o’r Independent fel cymysgedd o arddull Irvine Welsh (Trainspotting) a’r awdures Joanna Trollope.

Daeth y ganmoliaeth fwyaf gan Erica Wagner o’r Times, wrth iddi gymharu JK Rowling a Charles Dickens, gan ddweud bod yr awdures wedi “cymryd arni ei hun i adfywio’r ddelwedd o’r nofel fel offeryn ar gyfer daioni”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018