Cyhoeddi argraffiad newydd o un o glasuron Waldo

 
Rhan o glawr Cerddi'r Plant gan E Llwyd Williams a Waldo Williams

Rhan o glawr Cerddi’r Plant gan E Llwyd Williams a Waldo Williams

Llun trwy law Gwasg Gomer

Bydd cyfrol sy’n cynnwys cerddi plant gan y bardd, Waldo Williams, yn cael ei chyhoeddi ar ei newydd wedd yr wythnos nesaf, a hynny ar drothwy diwrnod i’w gofio.

Fe ddethlir ‘Diwrnod Waldo’ yn flynyddol ar ddyddiad ei ben-blwydd – Medi 30.

Ac i gyd-fynd â’r dathliadau eleni, mae Gwasg Gomer yn bwriadu bwrw argraffiad newydd o Cerddi’r Plant i’r byd.

Cafodd y gyfrol ei chyhoeddi yn wreiddiol gan Wasg Aberystwyth yn 1936, ac mae’n cynnwys darnau gan Waldo Williams ei hun a’i gyfaill, E Llwyd Williams.

Ymhlith yr ugain cerdd o eiddo’r bardd enwog o Sir Benfro mae ‘Morgrugyn’, ‘Clatsh y Cŵn’ a ‘Dynion sy’n Galw’. Mae’n debyg yr arferai Waldo honni iddo lunio’r cerddi mewn dim ond deg diwrnod.

Bydd yr argraffiad newydd hefyd yn cynnwys y cywydd enwog i blant, ‘Byd yr Aderyn Bach’ – a gyhoeddwyd yn wreiddiol yn Dail Pren (1956) – yn ogystal â rhagymadrodd gan Mererid Hopwood a bywgraffiadau gan Eirwyn George o’r ddau awdur a dylunydd y gyfrol wreiddiol.

Bydd Cerddi’r Plant yn cael ei lansio ar ei newydd wedd yn Nhyddewi ar Fedi 27.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn