Dathliad o fywyd Dylan Thomas yng Nghei Newydd

Diweddarwyd  

Neuadd Goffa Cei Newydd

Bydd dathliad o fywyd y bardd Dylan Thomas yn cael ei gynnal yn Neuadd Goffa Cei Newydd, Ceredigion heddiw mewn ymgais i godi arian i arbed yr adeilad.

Adeiladwyd y Neuadd Goffa yn 1925 er mwyn cofio’r rheiny a laddwyd yn y Rhyfel Byd Cyntaf. Mae gan y neuadd awditoriwm hyfryd, ac fe’i defnyddir gan glybiau amrywiol yn y dref a’r cyffiniau; fel man cwrdd i’r gymuned ac ymwelwyr.

Tref glan môr fechan yw Cei Newydd ar ein arfordir gorllewinol gyda phoblogaeth o oddeutu 1,000 o bobl sy’n cynyddu yn sylweddol dros yr haf gyda miloedd o ymwelwyr yn tyrru yno. Roedd Dylan Thomas yn byw yno am gyfnod a dywedir iddo gael ei ysbrydoliaeth i ysgrifennu ei glasur Dan y Wenallt o adnabod cymeriadau’r dref.

Cyfyngiadau ariannol

Ond o ganlyniad i gyfyngiadau ariannol, nid yw Cyngor Ceredigion nawr yn fodlon ariannu’r neuadd er mwyn ei thrwsio a’i chynnal. Amcangyfrifir fod angen gwerth o leiaf £250,000 o waith er mwyn sicrhau neuadd safonol i’w defnyddio. Heb y gwaith hwn, bydd rhaid cau’r neuadd yn barhaol, ac o ganlyniad, bydd y gymuned yn colli cyfleuster hanfodol.

Tra bod pwyllgor o gefnogwyr yn ceisio am gymorthdaliadau a chronfa’r loteri, mae’r gymuned wedi tynnu at ei gilydd i gefnogi’r ymdrechion hyn.

Ffrindiau

Mae ‘Ffrindiau Neuadd Goffa Ceinewydd’ eisoes yn trefnu digwyddiadau ond, nid ydynt yn medru cadw’r neuadd ar agor heb gymorth pellach.

Heddiw mae’r Ffrindiau wedi trefnu arddangosfa gyda darlleniadau a sgyrsiau sy’n dathlu bywyd Dylan Thomas yng Nghei Newydd gan gynnwys yr awdur Jeff Towns (‘Bachan Dylan Thomas’), Dan Llywelyn Hall (artist) a cherddorion arbennig.

Bydd yr holl elw yn mynd at y Neuadd Goffa.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018