Dysgwr Cymraeg yn gwerthu llyfr celf inc ‘Yr Wyddor’

 

Mae dysgwr Cymraeg o Abertawe yn gwerthu gweithiau inc ar ffurf llyfr sy’n seiliedig ar yr wyddor Gymraeg.

Fe wnaeth Mark Hughes o ardal Brynmill y ddinas sefydlu’r prosiect drwy wefan Kickstarter, sy’n gofyn i bobol roi addewid o arian yn gyfnewid am y gweithiau.

Ac ar ôl gosod nod o godi £170 dros gyfnod o fis, mae’n dweud ei fod e wedi bwrw’r targed o fewn dwy awr ar ddiwrnod cynta’r brosiect – a’i fod e bellach wedi codi £950.

Ond roedd pwysau arno fe i godi’r £170. Os nad oedd e wedi gwneud hynny, fyddai e ddim wedi cael yr arian i barhau â’r prosiect.

“Mae yna brosiect ar y we gan artist o America o’r enw Jake Parker, sy’n arlunydd llyfrau comic,” meddai wrth golwg360. “Dyna fy niddordeb, a dyna sut dw i’n arlunio hefyd.

“Mae e’n gwneud prosiect unwaith y flwyddyn o’r enw Inktober, ac mae’n gwneud un darn bob dydd am fis ym mis Hydref.”

Dyfal donc

Mae e wedi rhoi cynnig ar y prosiect sawl gwaith yn y gorffennol, ond wedi llwyddo y tro hwn ar ôl bod yn dysgu Cymraeg gyda Robin Campbell yn y ddinas.

“Siaradais i gyda Robin, ac roedd e’n meddwl y byddai’n gwneud llyfr da. Felly, wnes i greu prosiect Kickstarter, a chael arian amdano fe.

“Penderfynais i wneud yr wyddor Gymraeg. Ro’n i eisiau dysgu Cymraeg ers rhoi’r gorau iddi yn yr ysgol.

“Dw i’n 47 mlwydd oed nawr. Dw i wedi trio sawl gwaith i orffen yr wyddor, ond wedi methu.

“Ond roedd Robin yn canmol, ac fe wnaeth e fy annog i gario ymlaen.”

Celf Weledol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018