Rhannu profiadau bywyd yn bwysig i Cen Llwyd

Diweddarwyd  

Cen Llwyd

Llun oddi ar ei gyfrif Twitter

Mae gweinidog gyda’r Undodiaid yng Ngheredigion yn dweud bod cael cyfle i rannu rhai o’i brofiadau bywyd gydag eraill yn bwysig iddo.

Mae Cen Llwyd yn gyfrannwr cyson i’r slot ‘Munud i Feddwl’ ar Radio Cymru ers cyfnod o chwarter canrif, a nawr mae wedi casglu rhai o’i fyfyrdodau ynghyd.

Mae wedi’u dethol yn ôl misoedd y flwyddyn, ac yn ôl y pregethwr o ardal y Smotyn Du, yr amcan wrth eu llunio oedd ceisio “uniaethu” â phobol yn eu bywyd beunyddiol a dangos iddyn nhw sut y gall rhai digwyddiadau bach, lleol fod â “gwerth ehangach”.

“Dw i wedi byw nawr ers 67 o flynyddoedd,” meddai Cen Llwyd wrth golwg360. “Mae rhyw bethau wedi digwydd i fywyd dyn yn ystod y blynyddoedd hynny.

“Mae yna brofiadau dwys wedi bod, fel colli plentyn a chyfnodau o fynd i’r carchar. Mae’r rheiny i gyd wedi creu cymeriad neu greu rhywbeth ynddo fi a dw i’n credu ei bod hi’n bwysig cael cyfle i rannu rhai o’r profiadau hynny.”

“Cynulleidfa ehangach”

Rhan o apêl y slot boreol ar raglen y Post Cyntaf, yn ôl Cen Llwyd, yw cyrraedd cynulleidfa nad oes modd ei gweld na’i chlywed.

“Mae’n eithaf exciting i ddweud y gwir, achos dwyt ti ddim yn gwybod pwy sy’n gwrando,” meddai.

“Pan wyt ti’n areithio mewn cyfarfod, pregethu mewn cwrdd neu’n siarad mewn rhyw rali, rwyt ti’n gweld y gynulleidfa o’th flaen di.

“Ond gyda rhywbeth fel Munud i Feddwl, efallai fod rhywun wrthi yn glanhau eu dannedd neu’n paratoi brecwast – dwyt ti ddim yn gwybod pwy sy’n gwrando.”

Dyma glip o Cen Llwyd yn darllen y darn ‘Ochr Anghywir’, a gafodd ei ddarlledu’n wreiddiol ar Ionawr 7, 2002…

Clonc360

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018