Y “Brexit blŵs” yn ysbrydoli nofelydd

Diweddarwyd  

Jon Gower

Llun: Y Lolfa

Gwallgofrwydd, herwgipio, maffia o Albania a’r Gymru ôl-ddiwydiannol. Dyna rai o’r prif elfennau yn nofel dditectif gynta’r awdur a’r darlledwr, Jon Gower, sydd wedi dioddef o’r “Brexit blŵs” yn ystod y ddwy flynedd ddiwetha’.

Mae Jon Gower yn dweud mai ei “iselder ysbryd” yn sgil y refferendwm ar Brexit yn 2016 yw sylfaen Y Düwch, sy’n dilyn hanes dau dditectif ar drywydd gwallgofddyn yn ardaloedd Cynffig a Llansamlet yn ne Cymru.

“Yn y cyfnod yn arwain at y refferendwm, mi wnes i gymryd newyddiadurwr, sef cyfaill i mi o Bortiwgal, o gwmpas i helpu fe i gwrdd â phobol ac i helpu fe i ddeall Cymru…” meddai’r awdur wrth golwg360.

“Yn y cyfnod yna, roeddwn i’n teimlo bod Cymru ei hunan yn fy ngadael oherwydd roedd y ffordd wnaethom ni bleidleisio yn debyg i Loegr yn tanlinellu’r ffordd Brydeinig ry’n ni’n medru bihafio o ran etholiadau, ac o ran y cyfryngau ry’n ni’n darllen.”

Mae’r newyddiadurwr o Lanelli hefyd yn dweud bod modd olrhain yr elfen o “wallgofrwydd” yn y nofel i’r ffaith bod Donald Trump yn Arlywydd yr Unol Daleithiau – “yr egotist sy’n ddiffygiol ym mhob ffordd,” meddai.

“Gyda hynny fe cefnlen i bethau, does dim rhyfedd bod y nofel tamed bach yn wallgo’, achos mae’r byd yn wallgo’.”

Amddiffyn y tywyllwch

Er bod Jon Gower yn cyfaddef bod cynnwys y nofel yn “ddu”, fel y mae’r teitl yn awgrymu, meddai, mae’n mynnu bod rhaid cael “popeth yn Gymraeg” – y gobeithiol a’r anobeithiol.

“Dw i’n gwybod y bydd cynnwys y llyfr nid yn unig ddim yn plesio pobol, ond yn gwneud i bobol ddodi’r llyfr i lawr, achos mae e mor ddu â hynny,” meddai eto.

“Ond eto, wedi dweud hynny, dw i’n teimlo bod rhaid inni gael popeth yn Gymraeg. Maen rhaid inni gael beirdd tywyll yn ogystal â beirdd clir, ac yn yr un ffordd rydych chi’n disgwyl yr un peth gyda rhyddiaith.”

Dyma’r awdur ei hun yn adrodd darn o’r nofel…

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn