Meuryn y Talwrn yn cofio “cymeriad unigryw”  

Diweddarwyd am  

Mae Meuryn cyfres Y Talwrn wedi disgrifio cyn-gyfrannwr i’r rhaglen a fu farw’n ddiweddar fel “cymeriad unigryw”.

Yn ôl y Prifardd Ceri Wyn Jones, er bod yna “dros ddeng mlynedd ar hugain” yn ei wahanu ef ac Emyr Oernant, fe fu’r ddau “yn yr ysgol gyda’n gilydd”, wedi iddyn nhw fod yn gyd-aelodau yn nosbarthiadau cerdd dafod T Llew Jones yn yr 1980au.

“…mi synhwyrais yn syth fod hwn yn ddyn ffraeth a galluog, a chanddo ffordd wreiddiol – a digyfaddawd – o fynd at ei bethau,” meddai wrth golwg360.

“Profiad swreal”

Wrth ei gofio fel cyfrannwr i’r Talwrn wedyn, mae Ceri Wyn Jones yn dweud mai “profiad swreal” oedd bod yn Feuryn ar y bardd a’r ffermwr o gyrion tre’ Aberteifi.

Roedd hyn, meddai, “yn enwedig gan ei fod ef wedi bod yn un o sêr y gyfres honno ers blynyddoedd, boed fel cynganeddwr telynegol neu ergydiwr mwy comig!”

“Ac roedd e’n ymfalchïo’n fawr fod ei dim ef, sef Tanygroes, wedi bod yn bencampwyr y gyfres ym 1997.

“Roedd Emyr Oernant yn gymeriad unigryw, a bydd y golled bersonol a’r golled ddiwylliannol yn fawr ar ei ôl – a bydd cyfres Y Talwrn sawl sillaf yn llai lliwgar hebddo, does dim amau.”

Llên

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018