Galw am gael Eisteddfod Caerdydd bob pum mlynedd

Diweddarwyd am  

Maes yr Eisteddfod 2018

Llun: golwg360

Dylai’r Eisteddfod Genedlaethol ddychwelyd i Gaerdydd unwaith bob pum mlynedd, yn ôl arweinydd cyngor y ddinas.

Cafodd y brifwyl ei chynnal ym Mae Caerdydd eleni, gyda Chanolfan y Mileniwm yn bafiliwn ac adeilad y Senedd yn gartref i arddangosfa gelf.

Ac yn ôl Huw Thomas, Arweinydd Cyngor Caerdydd, roedd y digwyddiad yn un “hynod”.

O ystyried bod ymweliad diwetha’r brifwyl rhyw ddegawd yn ôl, mae Huw Thomas wedi galw am drafodaeth i sicrhau ymweliadau amlach.

“Rwy’n credu ei bod yn addas nawr i ni gymryd y cyfle i drafod y posibilrwydd o ddod â’r Eisteddfod i Gaerdydd yn fwy rheolaidd, bob rhyw bum mlynedd er enghraifft,” meddai.

“Mae eleni wedi rhoi man cychwyn i ni ddatblygu ohono, ac rwy’n awyddus i sicrhau ein bod ni’n gwneud hynny, gan weithio â’n partneriaid yn yr Eisteddfod.”

Dim ffiniau

Cafodd yr Eisteddfod ei chynnal rhwng Awst 3 a 11, ac yn wahanol i’r arfer, roedd mynediad am ddim.

Doedd dim ffensys na muriau yn amgylchynu’r maes, ac ym marn Huw Thomas, mae hynny’n rhywbeth i’w groesawu.

“Bu i’r ffaith nad oedd ffiniau’n amgáu’r Eisteddfod eleni yn helpu i greu gŵyl agored, gynhwysol a chroesawgar i bawb, yn debyg i Gaerdydd ei hun,” meddai.

“Roedd yn wych bod yn rhan ohoni ac rwy’n gobeithio y gallwn fynd ymlaen i adeiladu ar y digwyddiad rhagorol hwn.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018