Emma Chappell o Ddeiniolen ydi Dysgwr y Flwyddyn

Diweddarwyd  


Emma Chappell
Dynes sy’n wreiddiol o Gaergrawnt yw enillydd gwobr Dysgwr y Flwyddyn 2017.

Erbyn hyn, mae Emma Chappell yn byw ym mhentref Deiniolen yng Ngwynedd ac fe gafodd ei magu yn Royston, Hertfordshire.

Dysgodd Gymraeg ar ôl cwrdd â’i phartner yn 2004 gan fynd ati i ddysgu’r iaith wedi hynny.

Esboniodd iddi fynd i ddosbarthiadau nos yn Warrington lle’r oedd yn byw ar y pryd cyn ymuno â chriw Cymraeg i Oedolion ar ôl symud i Gymru.

Dysgu’r iaith

Mae Emma Chappell yn cydnabod fod ei theulu wedi’i chynorthwyo i ddysgu’r iaith lle mae’n byw gyda’i phartner Arwel, a’u meibion Deion a Guto.

Dywed hefyd ei bod yn defnyddio’r Gymraeg bob dydd wrth ei gwaith ym Mhrifysgol Bangor a’i bod am “ddatblygu” ei Chymraeg ymhellach.

“Dw i’n gwybod fel mae’r plant yn tyfu y bydd yna fwy o sefyllfaoedd pan mae’n bwysig i ddeall beth sy’n mynd ymlaen,” meddai.

Gwobrau

Y beirniaid eleni oedd Jenny Pye, R Alun Charles a Nia Roberts ac fe gafodd ei hanrhydeddu yng Ngwesty Tre Ysgawen Llangefni.

Mae’n ennill tlws yn rhoddedig gan Rhian a Harri Pritchard, Cemaes, a £300 ynghyd â chael ei derbyn i’r Orsedd y flwyddyn nesaf.

Y tri arall yn y rownd derfynol oedd Hugh Brightwell o Ellesmere Port, Sir Gaer, Richard Furniss o Langefni, Môn a Daniela Schlick o Borthaethwy, Ynys Môn, a derbyniodd y tri dlysau ynghyd â £100 yr un.

Mae’r pedwar yn ennill tanysgrifiad blwyddyn i gylchgrawn Golwg, a rhoddion gan fudiad Merched y Wawr.

Eisteddfodau

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018