Damian yn ail am y Goron

 


Damian Walford Davies
Y bardd a’r Athro Prifysgol, Damian Walford Davies o Brifysgol Aberystwyth oedd yr ail yng nghystadleuaeth y Goron eleni.

Ef oedd Del Rey, yr un yr oedd un beirniad, Ceri Wyn Jones, am ei goroni am gerddi’n ymwneud â’r awyrennau di-beilot – ‘yr adar angau’ – sy’n cael eu profi mewn canolfan yn Aberporth yng Ngheredigion.

Mae Golwg360 yn deall hefyd mai Guto Dafydd oedd y trydydd, A Safo, ond a oedd yn ail gan y beirniad Geraint Lloyd Owen.

Adnabyddus iawn

Mae Damian Walford Davies yn fardd adnabyddus iawn trwy gyfrwng y Saesneg a’i gyfrol ddiweddara’, Witch, wedi cael canmoliaeth uchel am ei thriniaeth o achosion yn erbyn gwrachod yn yr ail ganrif ar bymtheg.

Saesneg yw ei bwnc yn y brifysgol hefyd, ond mae’n arbenigo ymhlith pethau eraill ar lenyddiaeth Saesneg Cymru. Mae’n gadeirydd Llenyddiaeth Cymru.

Petai wedi ennill, fe fyddai wedi dilyn ei efaill Jason, a enillodd y Goron yn 2004, a nhw fyddai’r efeilliaid cynta’ i gyflawni’r gamp.

Neithiwr fe gyhoeddodd y bardd, Twm Morys, mewn sesiwn farddoniaeth mai Guto Dafydd oedd y trydydd.

Fe fyddai ef wedi bod ymhlith yr ieuenga’ i ennill un o’r prif wobrau ac fe fyddai wedi cyflawni dwbl trawiadol gan mai ef enillodd y Goron yn Eisteddfod yr Urdd eleni.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018