Cyhuddo Rod Stewart o ymosod ar swyddog diogelwch ar ôl ffrwgwd

 
Rod Stewart yn canu

Rod Stewart yn canu o flaen drymiau Celtic

Llun: Joe Bielawa trwy Flickr

Mae’r canwr Rod Stewart wedi’i gyhuddo gan yr heddlu yn Fflorida yn dilyn ffrwgwd mewn gwesty.

Mae wedi’i gyhuddo o daro swyddog diogelwch ar Nos Calan ar ôl iddo fe ac eraill geisio cael mynediad i barti preifat mewn ardal arbennig i blant yn Breakers Palm Beach Hotel.

Mae’r criw wedi’u cyhuddo gan dystion o godi stwr ac o wrthod dilyn cyfarwyddiadau i adael yr ystafell, ac mae ei fab Sean wedi’i gyhuddo o fynd “wyneb yn wyneb” â’r swyddog diogelwch cyn ei wthio.

Camodd Rod Stewart i mewn wedyn a tharo’r swyddog yn ei asennau, ac mae’n honni iddo geisio sicrhau mynediad i’r plant i’r ystafell cyn i’r ffrae ddechrau.

Yn ôl adroddiad yr heddlu, fe wnaeth e ymddiheuro am ei ymddygiad.

Fe fydd gwrandawiad yn cael ei gynnal ar Chwefror 5 i benderfynu pryd y bydd rhaid iddo fynd gerbron llys i wynebu’r cyhuddiadau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn