Dim Meic Stevens yng Ngŵyl y Dyn Gwyrdd

Diweddarwyd am  
Llwyfan y Mynydd, Gŵyl y Dyn Gwyrdd

Llwyfan y Mynydd, Gŵyl y Dyn Gwyrdd

Llun: Wikipedia

Fydd Meic Stevens ddim yn perfformio yng Ngŵyl y Dyn Gwyrdd yn Nghrucywel eleni.

Mae’n dilyn ffrae am sylwadau hiliol honedig a wnaeth ar lwyfan Gŵyl Arall yng Nghaernarfon, sydd hefyd wedi arwain at ansicrwydd ynghylch ei ymddangosiad yn Sesiwn Fawr Dolgellau.

Mae’r canwr o Solfach yn gwadu iddo wneud sylwadau hiliol, ac fe awgrymodd ddechrau’r wythnos ei fod yn ystyried rhoi’r gorau i ganu yn Gymraeg.

Tra bo trefnwyr y Sesiwn Fawr yn dweud na fydd yn ymddangos yno y penwythnos hwn, mae gwesty’r Ship, lle’r oedd disgwyl iddo berfformio nos Wener (Gorffennaf 19), wedi dweud wrth golwg360 fod ei enw “yn dal yn y dyddiadur”.

‘Amharch’

Mewn datganiad, mae trefnwyr Gŵyl y Dyn Gwyrdd yn dweud na fydd yn ymddangos yno rhwng Awst 15-18.

Roedd disgwyl iddo berfformio ar Lwyfan y Mynydd ar y dydd Sadwrn, ac mae ei enw’n dal ar wefan yr ŵyl ar hyn o bryd.

“Gallaf gadarnhau nad yw Meic Stevens bellach yn chwarae yng Ngŵyl y Dyn Gwyrdd,” meddai llefarydd ar ran yr ŵyl.

“Dydy unrhyw fath o amharch at eraill ddim yn dderbyniol, ac yn sgil ei sylwadau diweddar, fydd Meic Stevens ddim bellach yn chwarae yn y Dyn Gwyrdd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018