Sŵn direidus clarinetau Coleg Cerdd a Drama yn yr Urdd

 

Dau o’r clarinetwyr

Llun: golwg360

Mae rhyw sŵn direidus wedi bod yn cuddio ar faes Eisteddfod yr Urdd amser cinio heddiw (dydd Mawrth, Mai 28).

Yn torri trwy sŵn y rhuthr, y canu a’r cymdeithasu ym Mae Caerdydd daw sŵn clarinetau Coleg Brenhinol Cerdd a Drama Cymru o’u pabell.

Mae Carwyn Thomas o Landysul ar ei gwrs ôl-raddedig yn y coleg yng Nghaerdydd, ac mae o wedi bod yno ers oedd yn 12 oed. Ei gyfaill Jason Hill o swydd Dyfnaint sydd drws nesaf iddo ac mae yntau’n graddio yn ystod yr haf.

“Sŵn tlws iawn”

“Mae’r ddau ohonom ni’n chwarae’r clarinét yma i gael pobol i ddod i stondin Coleg Brenhinol Cerdd a Drama Cymru,” meddai Carwyn Thomas wrth golwg360.

“Wnaeth Motzart ddweud bod y clarinét y peth agosaf at y llais,” meddai wrth esbonio ei ddewis o offeryn.

“Y clarinét yw’r hawsaf i ddechrau gyda hi yn nheulu’r chwythbrennau ac mae’n haws mynd o glarinét i offerynnau eraill. Hefyd, mae’n gwneud sŵn tlws iawn ac rydych chi’n gallu cael synau gwahanol o’r clarinét.”

Gweithdai

Trwy gydol yr wythnos mae’r coleg yn cynnal gweithdai cerddoriaeth a theatr ac yn cyflwyno plant yr Urdd i gyrsiau yn y brifysgol.

Yfory, bydd cyfle i gymryd rhan mewn gweithdy goleuo llwyfan yn ogystal â gweld perfformiad gan Gareth Bonello a dydd Gwener (Mai 31) bydd cyfle i wneud pypedau theatr.

 

Cerddoriaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn