Miwsig yn “hollbwysig” i les emosiynol plant ag anghenion ychwanegol

Diweddarwyd am  

Llun: S4C

Mae cerddoriaeth yn rhoi dau beth i blant ag anghenion nad ydyn nhw’n brofi yn yr un rhan arall o’u bywyd ysgol – cyfle i ddangos sut maen nhw’n teimlo, a chyfle i arwain.

Dyna farn Meilyr Wyn, athro cerddoriaeth yn Ysgol Hafod Lon, Penrhyndeudraerh, lle mae cerddoriaeth yn cael lle blaenllaw.

Eleni, fe gafodd y disgyblion 3-19 oed y cyfle i gydweithio ac ymarfer gyda Dewi Pws ac Elin Fflur wrth iddyn nhw baratoi ar gyfer eu sioe Nadolig flynyddol a fydd yn cael ei darlledu nos Fawrth nesaf, Rhagfyr 18.

“Mae cerdd yn chwarae rhan ganolog yn yr ysgol,” meddai Meilyr Wyn. “Dw i wedi cael fy nghyflogi jyst fel athro cerdd ar draws yr ysgol.

“Hwnnw ydi’r unig bwnc lle mae hynny’n digwydd. Mae pob pwnc arall yn cael ei ddysgu gan yr athro dosbarth.”

Cyfle i arwain

“Mae cerdd yn hollbwysig i les emosiynol y disgyblion,” meddai Meilyr Wyn wedyn.

“Mae o fatha gofyn pa mor bwysig ydi canu’r anthem cyn gêm rygbi. Mae’n fwy na hynny hefyd i’n plant ni, achos does gan gyn lleied ohonyn nhw ddim y gallu i gyfathrebu sut maen nhw’n teimlo, na’r cyfle i fod mewn rheolaeth o sefyllfa.

“Efo cerddoriaeth, pan maen nhw’n cael cyfle i arwain gweddill y dosbarth, pan maen nhw’n byrfyfyrio neu efo ryw gyfansoddiad… maen nhw’n cael cyfle i fod yn y canol, a phawb yn eu dilyn nhw.

“Ella bo nhw’n taro’r drwm a phawb arall yn trio copïo yr amseriad neu’r rhythm. Maen nhw’n cael cyfle dydyn nhw ddim yn ei gael yn aml iawn i arwain be’ sy’n mynd ymlaen.”

Cerddoriaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018