“Twpdra” yw gwahardd cân Nadolig, meddai Nigel Owens

Diweddarwyd am  
Nigel Owens

Nigel Owens

Llun: Florian Christoph trwy Gomin Wicimedia

Mae’r dyfarnwr rygbi Nigel Owens yn dweud mai “twpdra” yw gwahardd y gân ‘The Fairytale of New York’ ar orsafoedd radio.

Fe fu ffrae newydd ynghylch geiriau’r gân, am eu bod yn cael eu hystyried yn wrth-hoyw. Mae’n ddadl sy’n codi’n flynyddol ers sawl blwyddyn.

Tra bod rhai gorsafoedd radio’n dewis tawelu’r geiriau sarhaus, mae eraill wedi gwahardd y gân yn gyfangwbl.

Cyfiawnhad Shane Macgowan

Yn dilyn yr helynt, mae canwr ‘The Pogues’, Shane Macgowan wedi amddiffyn y gân fel un sy’n adlewyrchiad o’r cyfnod pan gafodd ei chyfansoddi a’i chyhoeddi yn 1988.

“Cafodd ei ddefnyddio gan y cymeriad gan ei fod yn addas ar gyfer y ffordd y byddai hi’n siarad, ac o ran ei chymeriad,” meddai Shane Macgowan mewn datganiad.

“Dydy hi ddim i fod yn berson neis, nac yn berson crwn.

“Dynes yw hi o genhedlaeth benodol ar adeg arbennig mewn hanes, ac mae hi wedi rhedeg allan o lwc ac yn ddespret.

“Mae ei deialog mor gywir ag y gallwn i ei gwneud hi, ond nid ei phwrpas yw bod yn sarhaus.

“Os nad yw pobol yn deall ‘mod i’n ceisio portreadu’r cymeriad mor fanwl gywir â phosib, yna mae’n iawn gen i eu bod nhw’n torri’r gair allan, ond dw i ddim am gael ffrae.”

‘Twpdra’

Wrth ymateb i ddatganiad Shane Macgowan, mae Nigel Owens wedi addo gwrando ar y gân bob dydd.

“O ddifri, os na safwn ni i fyny i’r twpdra yma, mae’r gymdeithas wedi torri. Mae’r byd wedi mynd yn wallgo’ am ‘PC’.

“Os ydych chi’n cael eich sarhau mor hawdd gan rywbeth, yna peidiwch â blydi gwrando arni, a’i diffodd hi neu newidiwch y sianel #STOPTHISPCMADNESS.

“Bydda i’n gwrando ar y gân bob dydd nawr.”

Ac mae Nigel Owens yn cynnig ateb i’r helynt.

“Yr ateb syml i’r gwallgofrwydd PC yma yw gadewch i ni’r bobol synhwyrol stopio gwrando ar unrhyw blatfform sy’n sensero’r gân hon. Byddan nhw’n sylweddoli wedyn pa mor blydi twp maen nhw wedi bod.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018