9Bach eisiau cyfarfod y bachgen yn y gân am gŵn gwyllt Mosgow

Diweddarwyd  

Ivan

Llun gan 9Bach

Mae’r grŵp 9Bach wedi hen arfer ysgrifennu caneuon sy’n adrodd hen storïau a chwedlau – ac mae’r stori y tu ôl i’r gân ‘Ifan’ yn mynd â nhw i Rwsia.

Fe ysgrifennodd y gantores, Lisa Jen, y geiriau ar gyfer yr albwm Anian, wedi iddi glywed am fachgen o Mosgow a dreuliodd ei blentyndod yn byw gyda haid o gŵn gwyllt.

Pan nad oedd ond pedair oed, fe gerddodd Ivan allan o’i gartref tlawd a di-gariad, a threulio dyddiau yn yr eira… nes iddo ddod ar draws y cŵn a chael ei wneud yn ben-blaidd gan yr haid.

Mae cân 9Bach yn cofnodi’r eiliad honno pan gafodd ei ddal gan yr awdurdodau flynyddoedd yn ddiweddarach – a’i gipio – gan wneud gweddill cŵn y pac yn wallgo’.

Dod o hyd i Ivan

Er i’w hanes gael ei gofnodi mewn sawl llyfr a ffilm, doedd neb i weld yn gwybod be’ ddigwyddodd i Ivan wedyn. Ond gyda thipyn o ymchwil, mae’r cynhyrchydd Guto Roberts wedi llwyddo i ddod o hyd iddo, a gwneud fideo o’r stori.

Cafodd y fideo i’r gan ei ffilmio gan Guto Roberts ac Andrey Todorov yn Rwsia a Chymru, a hynny fel llafur cariad yn hytrach na job o waith.

“Dw i wedi mopio fod Ivan yn fyw ac yn iach ac wedi dod ar draws y gân ac wedi licio hi,” meddai Lisa Jên wrth golwg360.

“Mi wnaeth Andrey chwara’ a chyfieithu’r gân i Ivan a dyna pryd gynigiodd Ivan i fod yn y fideo i ni! Mae’r peth yn anhygoel. Mi ddangosodd o i Andrey lle oedd o’n arfer cadw’n gynnes efo’r cŵn, a’r fflat lle oedd o’n arfer byw cyn iddo ddenig o’i gartref.

“Mae o wedi ei anrhydeddu bod ni wedi dallt ‘y teimlad’- mi oedd o’n chuffed. Mae bod mewn cysylltiad efo fo wedi chwalu fy mhen, a dweud y gwir.”

A chyfarfod… 

“Y cam nesa ydi cyfarfod wyneb yn wyneb,” meddai Lisa Jên.

“Mae o isio dod i Gymru ers clywed y gân, ond dw i isio mynd i Fosgow… gawn ni ffraeo am hynny! Ond mae gen i dri ci, felly gobeithio y gwnaiff hynny setlo pethau.”

Mae fideo ‘IFAN: Pen Blaidd y Cŵn’ wedi’i ryddhau gan Real World Records.

 

Cerddoriaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018