“Ewch i bori” – Dyna gyngor yr actor Rhys Ifans, mewn fideo i dynnu sylw at Ddydd Miwsig Cymru sy’n cael ei gynnal heddiw.
“Mae’n sin gyda sawl wyneb,” meddai yn y fideo. “Mae yna bopeth o fiwsig gwerin wallgof i bobol sydd ar ymylon greim.
“Dewch mewn. Cloddfa hollol gyfoethog yw hi o aur y byd miwsig. Ac mae hi yma, ar stepen eich drws. Ewch i bori [am gerddoriaeth newydd].”
Mae’r actor wedi dewis tri o’i hoff ganeuon Cymraeg – ‘Y Teimlad’ gan Datblygu, ‘Torra Fy Ngwallt Yn Hir’ gan y Super Furries a ’Bourgoise Roc’ gan Geraint Jarman.
Dyma’r fideo o Rhys Ifans yn egluro sut y dewisodd ei hoff draciau…
Whether you know him from Spiderman, Super Furries or as Spike from Notting Hill, Rhys Ifans is a legend. He’s shared his favourite Welsh language tracks with us for #WelshLanguageMusicDay #DyddMiwsigCymru ????????https://t.co/yTo0Bl7za3 pic.twitter.com/SOq8DiR8e7
— Cymraeg ??????? (@Cymraeg) February 9, 2018
Cyngor DJ Potter
I nodi’r diwrnod mae chwe rhestr chwarae arbennig wedi’u hel at ei gilydd gan y DJ Gareth Potter, oll â themâu gwahanol – gan gynnwys acwstig, cerddoriaeth electroneg a hamddena.
Mae’r rhain bellach ar gael i’w ffrydio trwy Spotify, Apple Music a Deezer; a hefyd ar gael trwy ddefnyddio’ch ffôn symudol i sganio codau arbennig ar bosteri ledled y wlad.
Gallwch weld cynnwys y chwe rhestr chwarae trwy ddilyn y ddolen yma: Rhestrau chwarae.
