9bach yn cipio albwm y flwyddyn yng Ngwobrau Gwerin Radio 2

 


Clawn albwm 9bach, Tincian
Fe gipiodd y band gwerin adnabyddus 9bach y wobr am albwm y flwyddyn yng ngwobrau gwerin BBC Radio 2 yng Nghanolfan y Mileniwm yng Nghaerdydd neithiwr.

Daeth y band gwerin arbrofol, sy’n hanu o Fethesda, yn fuddugol gyda’i halbwm diweddaraf Tincian.

Dyma’r band cyntaf o Gymru i ennill y gystadleuaeth ers iddi gael ei sefydlu 15 mlynedd yn ôl. I goroni’r noson, fe gafwyd perfformiad gan 9bach yn ystod y seremoni.

Ymhlith uchafbwyntiau eraill y noson oedd Gwobr Traddodiad Da a gafodd ei wobrwyo i’r diweddar Dr Meredydd Evans a fu farw yn 95 mlwydd oed fis Chwefror eleni.

Derbyniwyd y wobr gan ei ferch, Eluned, a alwodd am greu archif digidol i gerddoriaeth werin yng Nghymru.

Wrth gyflwyno’r wobr, cafwyd teyrnged i Merêd hefyd gan y gantores Cerys Mathews,  pan ddatgelodd ei fod  wedi cael gwybod ei fod wedi ennill y wobr cyn iddo farw ym mis Chwefror, gan ddweud ei fod ar y pryd “wrth ei fodd”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018