Teyrngedau i’r ffotograffydd Keith Morris

Diweddarwyd am  
Keith Morris

y ffotograffydd Keith Morris o Aberystwyth

Llun yr heddlu

Mae teyrngedau wedi eu rhoi i’r ffotograffydd Keith Morris o Aberystwyth ar ôl i gorff gael ei ddarganfod ddydd Sadwrn, Hydref 5.

Roedd y ffotograffydd adnabyddus wedi bod ar goll ers dydd Iau (Hydref 3).

Fe ddaeth yr heddlu o hyd i gorff ar draeth Borth, Ynyslas fore dydd Sadwrn. Dyw’r corff ddim wedi cael ei adnabod yn ffurfiol, ond mae ei deulu wedi cael gwybod.

“Mab anwylaf y dref”

Wrth roi teyrnged iddo, dywedodd Aelod Cynulliad Ceredigion Elin Jones ar ei chyfrif Twitter: “Yr hollbresennol Keith Morris. Ar y prom, yn y dre’, ym mhob protest a phared. Yn adlewyrchu amrywiaeth lliwgar Aberystwyth yn ei luniau, ac yn eu cyhoeddi i’r byd. Mae meddwl am Aberystwyth heb Keith a’i gamera yn boenus o anodd. Ef oedd mab anwylaf y dref.”

Dywedodd Jeremy Turner, cyfarwyddwr artistig cwmni theatr Arad Goch ar y Post Cyntaf ar Radio Cymru bore heddiw (dydd Llun, Hydref 7) bod Keith Morris “yn ddyn diwylliedig iawn ac mae archif ei waith yn mynd i fod yn drysor”.

Mae cyn-Brif Weinidog Cymru, Carwyn Jones, a’r Aelod Cynulliad, Alun Davies, wedi rhoi teyrngedau hefyd.

“Am newyddion trist ac hynod arw,” meddai Alun Davies. “Roedd Keith yn rhan o Aber ac yn rhan o Gymru. Mae ein holl feddyliau gyda’i deulu ac fe fyddwn ni yn ei golli’n fawr.”

Teyrngedau eraill

Mae’n gadael ei wraig Gilly, dwy ferch, Ffion Jac a Sam Medeni, ac un wyr, Dexter.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn