Wyneb newydd i raglen Ffermio

 


Terwyn Davies
Bydd mab fferm o Geredigion yn un o wynebau newydd tîm cyflwyno rhaglen Ffermio ar S4C o nos Lun ymlaen.

Mae Terwyn Davies, sydd eisioes yn gyfarwydd i nifer yn gyflwynydd ar Radio Cymru, wedi bod yn rhan o dîm cynhyrchu Ffermio ers rhai blynyddoedd bellach, ac roedd yn cyflwyno Bwletinau Ffermio ar S4C am gyfnod.

Wedi ei fagu ar dyddyn yn Nyffryn Aeron, mae’r cyflwynydd 31 oed yn edrych ymlaen am yr her o fod yn un o ohebwyr newydd y gyfres, sy’n trafod materion yn ymwneud â chefn gwlad ac amaethyddiaeth.

“Dwi wrth fy modd yn cwrdd â phob math o gymeriadau ledled Cymru wrth i mi chwilio am eitemau ar gyfer Ffermio,” meddai Terwyn Davies, sydd hefyd yn cynhyrchu’r gyfres Bro ar gyfer S4C gyda’r cwmni cynhyrchu Telesgop o Abertawe.

“Dwi wrth fy modd yn clywed eu straeon difyr a chael tipyn bach o hwyl yn eu cwmni!”

Bydd Terwyn Davies yn ymuno â’r tîm tra bod un arall o’r criw cyflwyno, Daloni Metcalfe, i ffwrdd ar gyfnod mamolaeth, ar ôl genedigaeth ei phumed plentyn.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018