CFfI – Ceredigion yn ennill

 


Megan Lewis, enillydd y Gadair
Ceredigion oedd enilwyr Eisteddfod Ffermwyr Ifanc Cymru yn Ynys Môn, gyda’r Gadair hefyd yn mynd i ffederasiwn y sir.

Ond roedd cymeradwyaeth fwya’r diwrnod i’r ddeuwad ddoniol o Ddyffryn Cothi, Sir Gaerfyrddin, a greodd helynt anferth y llynedd gyda’u cân am le bwyta Chineaidd.

O dan yr enw Ping a Pong, fe gawson nhw’u cyhuddo o fod yn hiliol, gyda dadlau mawr o’r ddwy ochr yn y cyfryngau Cymraeg.

Eleni, roedd Endaf a Deian yn ôl gyda chân yn gwneud hwyl am y profiad ac roedd y dyrfa ym Mhafiliwn Mona ar faes Sioe Ynys Môn ar eu traed.

Yn union wedi’r cystadlu, fe ddywedodd Endaf Griffiths fod y gefnogaeth yn dangos bod mudiad y ffermwyr ifanc fel “un teulu mawr”.

Y Gadair a’r côr

Ynghynt, roedd Megan Lewis o glwb Trisang yng Ngheredigion wedi ennill y Gadair am stori fer am glirio aelwyd ar ôl marwolaeth perthynas.

Mae hi’n fyfyrwraig trydedd blwyddyn yn yr Adran Gymraeg ym Mhrifysgol Aberystwyth.

Enillwyr cystadleuaeth y côr oedd Meirionnydd.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018