ASau – does yna ddim esgus

Diweddarwyd am  
Portread swyddogol o'r cyn Ysgrifennydd Amddiffyn

Syr Michael Fallon

Llun: Chris McAndrew CC 3.0 Commons Wikimedia

Blog bach cyn cinio gan Dylan Iorwerth

Doedd hi’n ddim syndod bod rhai wedi dechrau cwyno bod helynt yr aflonyddu rhywiol yn mynd yn rhy bell. A doedd hi’n ddim syndod chwaith mai merched a ddechreuodd ddweud hynny.

Y neges an-annisgwyl ydi fod yna wahaniaeth mawr rhwng rhoi llaw ar ben-glin merch neu wneud sylw rhywiol, ar un llaw, a thrais rhywiol ‘go iawn’ ar y llall.

Mae yna wahaniaeth o ran difrifoldeb y gwahanol weithredoedd – ac mi ddylai hynny ddangos yn y math o gosb y dylai’r dynion ei chael – ond yn eu hanfod, yr un ydi’r gwraidd.

Does a wnelo hyn ddim â dynion yn ffansïo merched neu ferched yn ffansïo dynion; does a wnelo fo ddim ag aelodau seneddol yn cael affêrs efo’i gilydd. Y broblem ydi cam-ddefnydd o rym.

Yr hyn sy’n gyffredin yn yr holl honiadau hyd yn hyn ydi mai rhywun grymus sydd wedi gweithredu a rhywun llawer llai grymus wedi diodde’. Nid cyd-ddigwyddiad ydi hynny.

Mae hanes cam-drin rhywiol o bob math yn dangos dro ar ôl tro ei fod yn digwydd pan fydd yna anghyfartaledd grym a’r troseddwr mewn sefyllfa i allu manteisio ar hynny.

Er mwyn atal y troseddau mwya’ difrifol, mae’n rhaid newid yr agweddau sy’n arwain at y rhai llai. Y peryg fel arall, ydi y gall gweithredoedd bach ddatblygu’n rhai mwy difrifol.

O ystyried hynny, os ydi hi’n wir fod y Prif Weinidog, Theresa May, wedi cael gwybod bod ei chwipiaid yn defnyddio honiadau o aflonyddu rhywiol er mwyn sicrhau pleidleisiau, mi ddylai hithau ddilyn Michael Fallon a mynd.

Mae’n ymddangos bod rhai pobol yn cysylltu grym a rhyw ac, er fod ambell eithriad – fel mewn cam-drin domestig, er enghraifft – dynion sy’n tramgwyddo amla’.

Mae hynny’n awgrymu bod yna ddiffyg cydbwysedd o hyd rhwng y ddau ryw. Yn y cyd-destun hwnnw hefyd, mae agweddau at bethau bach yn gallu golygu mwy.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd