Angus Robertson: ‘Does dim angen cael gwared ar enw Plaid Cymru’

Diweddarwyd  

Angus Robertson

Llun o’i dudalen Facebook

Mae cyn-Aelod Seneddol a wnaeth argymell newid enw Plaid Cymru wedi egluro ei safiad ar y mater.

Adeg hydref y llynedd cafodd Angus Robertson – a fu’n arweinydd ar yr SNP yn San Steffan – ei gomisiynu i adolygu strwythur y Blaid.

Daeth y gwaith yna i ben ym mis Ionawr, a’r wythnos diwethaf daeth rhai o’i argymhellion i’r fei. Un o’r rheiny yw mabwysiadu New Wales Party/Plaid Cymru Newydd yn enw.

Yn siarad wedi ei anerchiad yng nghynhadledd y Blaid ym Mangor mae’r cyn-Aelod Seneddol SNP yn awgrymu bod ei argymhelliad wedi cael ei gamddehongli.

“Bydd Plaid Cymru wastad yn cael ei alw’n Plaid Cymru,” meddai wrth golwg360.

“Nid enw’r blaid yw’r broblem. Dyma yw’r cwestiwn: Sut mae cyfathrebu gyda phobol yng Nghymru sydd ddim yn siarad Cymraeg?

“Dw i wastad wedi bod yn awyddus iawn i ddefnyddio’r term ‘Plaid Cymru – The Party of Wales’. Hynny yw, yr enw yn y ddwy iaith.

“Mae angen i’r blaid feddwl am sut maen nhw’n cyflwyno ei hun dros Gymru gyfan – ac yn y ddwy iaith. Does dim angen cael gwared ar yr enw ‘Plaid Cymru’.

Argymhellion

Yn y gynhadledd dywedodd Angus Robertson y bydd Plaid Cymru’n “troi’n beiriant ennill etholiad” ac amlinellodd ffactorau byddai’n cyfrannu at wireddu hynny.

  • Ymdeimlad o bwrpas
  • Awydd i weithredu ar frys
  • Momentwm
  • Arweinyddiaeth
  • Gweithredu ar lawr gwlad

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd