Jest y job i Gwenan yng nghanol y llyfrau

Diweddarwyd  

Gwenan Jones o Langwyryfon yw Swyddog Datblygu Gwerthiant newydd Cyngor Llyfrau Cymru. Ond pwy yw Gwenan?

Beth oedd yn eich denu at y swydd yma?

Oherwydd bod llyfrau’n gymaint o ddiléit personol, a bod hybu darllen yn rhywbeth dw i’n teimlo’n angerddol yn ei gylch. Yn ogystal, teimlaf fod y swydd yma’n gyfle gwych i gael dysgu mwy am y byd cyhoeddi llyfrau.

Beth oeddech chi’n gwneud cyn hyn?

Mi fues i’n gweithio gyda Menter a Busnes, ar brosiect Cyswllt Ffermio, am dair blynedd a hanner. Fy swydd oedd Swyddog Cymorthfeydd a Gohebiaeth, yn helpu i drefnu cymorthfeydd un-i-un y prosiect a sicrhau bod yr holl ohebiaeth oedd yn cael ei anfon allan i hyrwyddo digwyddiadau ac ymgyrchoedd y rhaglen yn gywir ac o safon.

Sut ydych chi’n treulio eich amser y tu allan i’r gwaith?

Gwrando ar gerddoriaeth, mynd i weld fy hoff fandiau yn chwarae’n fyw, treulio amser gyda theulu a ffrindiau, mynd i’r theatr, a darllen wrth gwrs!

Llyfr neu ffilm?

Er fy mod i’n mwynhau ffilmiau, mae’n rhaid i mi ddweud llyfr. Mae nifer o’r ffilmiau gorau wedi cychwyn fel llyfr!

Te neu goffi?

Te, ond dw i ddim yn yfed dim un o’r ddau yn aml – mae’n well gen i gael gwydriad o laeth!

Pwy yw eich hoff gymeriad ffuglen?

Elizabeth Bennet o Pride and Prejudice, oherwydd mae hi’n berson cryf nad yw’n ofni dweud ei barn a sefyll i fyny dros yr hyn mae hi’n credu. Mae ganddi hiwmor da hefyd, sy’n bwysig!

Beth yw eich hoff ddywediad?

‘Daw eto haul ar fryn’. Dywediad positif ac un pwysig i’w gofio.

Pwy ydych chi’n ei edmygu?

Ateb cliche efallai, ond fy nheulu – nhw sydd yn gyfrifol am fy siapio i fel person. Dw i hefyd yn edmygu unigolion sydd â’r hyder i drafod eu problemau iechyd (meddyliol neu gorfforol) yn agored ac sydd yn darparu platfform i eraill wneud yr un peth.

Beth yw’r allwedd i lwyddiant mewn swydd?

Bod yn barod i ddysgu a derbyn cyngor, rhoi o’ch gorau bob amser, a pharodrwydd i helpu eraill.

Cafodd y swydd hon ei hysbysebu ar golwg360.

Penodiadau

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd