Penodi Deio i fod yn llais i fyd natur

 

Mae RSPB Cymru wedi penodi Deio Gruffydd yn Swyddog Cyfathrebu newydd y corff cadwraeth yng Nghymru.

’Sgwennu straeon angerddol – dyna fydd un o dasgau Deio wrth iddo geisio codi ymwybyddiaeth o waith RSPB Cymru. Mae’n gobeithio y bydd yn llwyddo i wneud mwy na thynnu sylw at weithgarwch yr RSPB yn unig. Ei obaith yw “ysgogi ag ysbrydoli pobl i fynd allan a gwneud mwy dros natur”, gan mai trwy bobl – y gymdeithas – y mae modd gwneud gwahaniaeth go iawn.

Mae’r dyn ifanc, sy’n wreiddiol o ardal wledig Llangian ym Mhenrhyn Llŷn, wedi mwynhau gwylio adar a bywyd gwyllt ers yn ifanc, ac mae cadwraeth a byd natur yn agos iawn at ei galon. Enillodd radd meistr mewn Rheolaeth Amgylcheddol Gynaliadwy ym Mhrifysgol Bangor. Cyn hynny, treuliodd gyfnod yn gwirfoddoli ar Ynys Enlli, lle bu’n helpu’r warden gyda’r gwaith cynnal a chadw o gwmpas yr ynys. Mae’r “profiad anhygoel” hwnnw o fod mewn ardal llawn bywyd gwyllt wedi gwneud argraff fawr arno.

Yr her i fyd natur

O newid hinsawdd i golli cynefinoedd i’n harferion niweidiol ni fel pobl – mae sawl rheswm dros y pryder cynyddol am fyd natur yn. Yn ôl RSPB Cymru, “y grefft o gyfathrebu da” sydd wedi codi ein hymwybyddiaeth o’r hyn sy’n digwydd i’r adar a’r pysgod sy’n cael eu niweidio gan blastig. Mae Deio yn gweld ei swydd newydd fel cyfle i leihau’r effeithiau niweidiol: trwy annog ac ysbrydoli pob un ohonom ni i gymryd camau bach dros natur.

Ei brif dasgau yn y swydd fydd gweithio ar brosiectau Rhoi Cartref i Fyd Natur Caerdydd a Lefelau Byw yng Ngwent, a nod y prosiectau hyn yw cysylltu pobl a chymunedau gyda’r natur a bywyd gwyllt sydd o’u hamgylch.

Cafodd y swydd hon ei hysbysebu ar Golwg360.

Penodiadau

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd