“Eisiau gweld pob cornel o Geredigion yn fwrlwm o Gymreictod”

 

Non Davies, un o hoelion wyth gweithgarwch Cymraeg a Chymreig Aberteifi, sydd newydd ddechrau ar ei swydd fel Rheolwr Cered yr wythnos hon.

Mae ei chefndir o ran gyrfa’n amrywiol – dechreuodd fel athrawes Bioleg ac yna symudodd ymlaen i weithio mewn Adran Iechyd yr Amgylchedd cyn ymgymryd â swydd Trefnydd Cenedlaethol Merched y Wawr. Bydd yn rhoi’r gorau i’w swydd fel Rheolwr y Gymraeg, Cyfathrebu a Chymuned dros Goleg Sir Gâr a Choleg Ceredigion er mwyn mynd i weithio i Cered.

Mae Non yn edrych ymlaen at y “sialens newydd” o lywio gwaith menter iaith Ceredigion yn ei nod o gefnogi, dylanwadu a datblygu’r defnydd o’r Gymraeg yn y sir ar lefel gymunedol a chymdeithasol, mewn addysg ac yn y byd gwaith.

’Dyw gweithgarwch cymunedol Cymraeg ddim yn ddieithr i Non – ers blynyddoedd mae wedi bod yn canu ac yn perfformio gyda chwmni Opera Teifi ac yn cyfarwyddo cwmni pobl ifanc CICA. Mae’n cyfrannu at lwyddiant papur bro lleol y Dwrgi, Gŵyl Fawr Aberteifi a Gŵyl y Cynhaeaf, ac ar hyn o bryd hi yw Cadeirydd Bwrdd Ymddiriedolwyr Castell Aberteifi.

Ac mae hi’n gobeithio defnyddio ei hadnabyddiaeth o weithgarwch llawr gwlad yn y sir i gydweithio â phobl a chymdogaethau er mwyn cefnogi’r gwaith da sydd eisoes yn digwydd, a’i ehangu. Yn ôl Non, “mae cymaint o syniadau da gan bobl leol – mae’n bwysig ein bod ni yn eu cefnogi a’u galluogi i roi syniadau ar waith.”

Ei nod yw gweithio gyda’r tîm o staff brwdfrydig yn Cered i adnabod cyfleoedd i weithredu a gweithio gyda chymunedau ar hyd a lled y sir, er mwyn sbarduno brwdfrydedd ac angerdd dros y Gymraeg fel bod “pob cornel o Geredigion yn fwrlwm o Gymreictod!”

Cafodd y swydd hon ei hysbysebu yn Golwg ac ar Golwg360.

Penodiadau

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd