Jest y Job i Ruth Dennis gyda’r Lolfa

Diweddarwyd am  

Ruth Myfanwy Dennis, sy’n wreiddiol o’r Fflint ond sydd wedi byw yn Nhal-y-bont ers un mlynedd ar ddeg, yw Rheolwr Swyddfa newydd Y Lolfa.

Beth fuoch chi’n ei wneud cyn y swydd hon?

Bues i’n gynorthwy-ydd yn Ysgol Gymunedol Tal-y-bont.

Sut ydych chi’n treulio eich amser y tu allan i’r gwaith?

Rwy’n darllen amrywiaeth eang o lyfrau ac yn mwynhau cerdded, yn enwedig yn ardaloedd gwledig Cymru a’r Alban. Rwyf hefyd yn hoff iawn o wylio hen ffilmiau du a gwyn yn ogystal â’r rhai diweddaraf.

Rhowch syniad i ni o ddiwrnod arferol yn eich swydd newydd.

Diwrnod arferol, hyd yma, yw ateb y ffôn, delio gyda’r post ac ebyst, pacio a phostio archebion i amryw o lefydd yma yng Nghymru neu dros y byd. Mae angen i mi gyfarch unrhyw ymwelwyr neu gwsmeriaid a bod yn gyfrifol am ddiweddaru cronfeydd data, megis stoc y warws a’r siop.

Hoffech chi baned?

Dwi’n hoffi fy mhaned mewn mwg gyda blodau pabi drosto ac rwyf yn hoff iawn o goffi llaeth gydag un llwyaid o siwgr brown ynddo. Serch hynny, te yw fy hoff baned, yn enwedig y peth cyntaf yn y bore.

Beth yw eich swydd orau hyd yn hyn?

Gweithio fel rheolwraig ar gylch meithrin yn yr Alban am rai blynyddoedd. Roedd yn braf iawn cael dod i adnabod cymaint o blant a’u teuluoedd yn y dref ble’r oeddwn yn byw.

Pwy fyddech chi’n gwahodd i’ch pryd bwyd delfrydol… a beth fyddai’r wledd?

Buaswn yn gwahodd Emma Thompson, Michael Sheen, Billy Connolly, Victoria Wood ac Elizabeth Gaskell, sef actorion, comedïwyr, ac awdur rhai o’m hoff lyfrau, er mwyn cael sgwrs ddifyr. Hoffwn gael pryd o fwyd llysieuol neu gyda physgod, gan nad wyf yn bwyta cig. I ddilyn buaswn wrth fy modd gyda sorbet aeron coch, cyn belled nad oes yn rhaid i mi goginio dim ohono!

Beth yw’r ŵyl orau i chi fynd iddi?

Yr ŵyl dwi’n cofio mwynhau yn bennaf oedd Eisteddfod yr Urdd 1977 yn y Barri. Bu nifer ohonom o Ysgol Heol Gaer yn aros gyda theuluoedd ac fe enillon ni’r gystadleuaeth parti canu.

Pa lyfr sydd ar erchwyn y gwely ar hyn o bryd?

Fel mae’n digwydd, y llyfr rwy’ ar ei chanol yw Afallon, gan Robat Gruffudd, a sefydlodd Y Lolfa yn 1967.

Beth yw’r peth gorau am y Lolfa?

Y staff cyfeillgar a’r holl lyfrau, hyd yma!

 

Cafodd y swydd hon ei hysbysebu yn Golwg ac ar Golwg360.

Penodiadau

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd