Jest y Job i Gayle Shenton, sydd am i blant “ddarganfod bod dysgu’n hwyl”

Diweddarwyd am  

Enw:

Gayle Shenton

Swydd newydd:

Pennaeth Ysgol Gynradd Gymraeg Castell-nedd

Un o ble ydych chi?

Cefais fy ngeni yn Bletchley yn Milton Keynes ac yna symudodd y teulu nôl i fyw yng Nghastell-nedd pan oeddwn i’n ddwy flwydd oed.

Beth fuoch chi’n ei wneud cyn y swydd hon?

Roeddwn yn Bennaeth yn Ysgol Gynradd Gymraeg Llwynderw, Abertawe.

Sut ydych chi’n treulio eich amser y tu allan i’r gwaith?

Gyda’r teulu yn cerdded y ci neu’n joio gyda ffrindiau. Rwy’n dwli mynd i’r sinema hefyd.

Sut ydych chi’n hoffi eich paned?

Te du, neu os yn bosib te blas mint.

Beth yw eich swydd waethaf/orau hyd yn hyn?

Yn ifanc cefais nifer o brofiadau diddorol o ran swyddi ac mae’r rheini oll wedi sicrhau fy mod yn gwerthfawrogi’r ffaith fod gen i swydd sydd mor amrywiol o ddydd i ddydd.

Beth oedd eich hoff bynciau yn yr ysgol?

Celf a cherdd.

Beth yw eich hoff air neu ddywediad?

Serennog!

Beth yw’r wers orau i chi ei dysgu mewn bywyd?

Yn y Saesneg ‘Take the path of least regret’.

Pwy fyddech chi’n eu gwahodd i’ch pryd bwyd delfrydol… a beth fyddai’r wledd?

Teulu a ffrindiau yn mwynhau BBQ a glased o ffizz.

Sut ydych chi’n cadw’n heini?

Cerdded a seiclo, ond fy hoff beth yw nofio.

Pa lyfr sydd wrth ochr y gwely ar hyn o bryd?

Mwy nag un. Fy hoff lyfr yw’r ‘Time Travellers Wife’.

Beth yw eich gobeithion i’r dyfodol yn y swydd?

Fel cyn-ddisgybl yn yr ysgol rwy’n gobeithio y gallaf barhau i sicrhau enw da i’r ysgol yn y gymuned a phrofiadau gwerthfawr i’r plant wrth iddynt ddarganfod bod dysgu’n hwyl.

 

Cafodd y swydd hon ei hysbysebu ar Golwg360 ac yn Golwg.

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd