Eryl Jones sy’n dangos y cerdyn coch i hiliaeth

 

Mae gweithiwr ieuenctid a chyn-aelod o fand Jen Jeniro wedi’i benodi’n Weithiwr Addysg i daclo hiliaeth yn y gogledd.

Ers mis bellach, mae Eryl Jones o Gapel Garmon ger Llanrwst wedi bod yn cynnal gweithdai gyda Dangos y Cerdyn Coch i Hiliaeth, gan gryfhau presenoldeb yr elusen yn y gogledd. Mae wedi bod yn gyfrifol am gynnal digwyddiadau a gweithdai i blant a phobl ifanc yn arbennig, mewn ysgolion a chlybiau chwaraeon.

ADDYSG YW’R ALLWEDD

“Diffyg gwybodaeth a diffyg dealltwriaeth sydd wrth wraidd mwyafrif y broblem ymysg plant a phobl ifanc,” medd Eryl. “Mae llawer yn cael eu dylanwadu gan agweddau eu rhieni a gan rai adrannau o’r wasg Brydeinig, felly rydym yn credu mai drwy addysg yw’r ffordd fwyaf effeithiol o daclo’r peth.”

Mae Eryl o’r farn bod addysgu a cheisio cymhathu pobl ifanc yn ffordd fwy effeithiol o newid y sefyllfa, yn hytrach na cheisio gorfodi unigolion i beidio â bod yn hiliol.

HILIAETH YNG NGHYMRU HEDDIW

Yn ôl Eryl, mae’r sefyllfa o ran hiliaeth yng Nghymru yn ymddangos yn well nag ydoedd rhyw 30 mlynedd yn ôl, ond mae Brexit wedi gwaethygu pethau cryn dipyn. Yn wir, ers i’w gariad symud i Gymru o’r Ariannin mae wedi sylwi bod mwy o xenophobia a hiliaeth yn ei ardal leol, a sylwi bod troseddau casineb wedi cynyddu ers pleidlais Brexit. Mae’n awyddus i wneud ei ran er mwyn helpu i wella’r sefyllfa.

Bydd Eryl yn cyfuno’r gwaith newydd gyda’i swydd ran-amser fel Gweithiwr Ieuenctid gyda Gwasanaeth Ieuenctid Conwy, lle mae’n cynorthwyo â’r clybiau gyda’r nos, ynghyd â’i waith gwirfoddol yng nghymuned Bro Garmon. Pob hwyl iddo gyda’r gwaith gwerthfawr yma.

Cafodd y swydd hon ei hysbysebu yn Golwg ac ar Golwg360.

 

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd