Gwirfoddoli i’n gwneud ni’n hapus – swydd newydd Alud Jones

 

Mae Alud Owen Jones bellach wedi cwblhau ei wythnos gyntaf fel Cynorthwy-ydd Gwirfoddoli Gwledig gyda Chymdeithas Gwasanaethau Gwirfoddol Sir Gâr, ac mae eisoes wedi bod ar hyd a lled y sir yn ceisio hybu’r ethos o weithredu er budd y gymdeithas.

Penodi pwy?

Un o Landdeusant yw Alud, a thrwy ei brofiad o weithio yn y sector gwirfoddol yn y gorffennol mae’n ymwybodol iawn o bwysigrwydd gwaith gwirfoddol – nid yn unig i’r bobl sy’n cymryd rhan, ond hefyd i’n cymunedau gwledig.

Cymerodd Alud amser bant yn ddiweddar i ganolbwyntio ar ail-godi hen sgubor yng nghysgod y Mynydd Du, a chyn hynny bu’n gweithio gyda gwirfoddolwyr yn datblygu sgiliau digidol pobl dros 50 oed. Mae’n falch o gael dychwelyd i’r maes, ac mae’n gobeithio y bydd ei frwdfrydedd, ei hiwmor a’i bersonoliaeth yn gadael eu hôl ar y prosiect ac ar y gwirfoddolwyr.

Nod y Prosiect Gwirfoddoli Gwledig, sy’n cael ei gynnal gan CAVS ers mis Tachwedd y llynedd, yw gwireddu llawn botensial gwirfoddoli trwy ehangu’r cwmpas o gyfleoedd sydd ar gael, darparu hyfforddiant a hybu gwerth gwirfoddoli i’r gymuned.

Ac yn ôl Alud, mae’n werth i bawb wneud ychydig o wirfoddoli – gallai fod yn gyfle i gwrdd â ffrindiau newydd, neu wella eich CV, ond yn bwysicach fyth gallech elwa o’r hapusrwydd sy’n dod o roi rhywbeth yn ôl i’r gymuned. A oes angen rheswm gwell?

Cafodd y swydd hon ei hysbysebu ar Golwg360.

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd