“Ysbryd radicalaidd” mudiad yn denu Elfed Jones i’w swydd

 

Mae’r ffermwr o Drawsfynydd, Elfed Wyn Jones, newydd gael ei benodi’n Swyddog Maes Dyfed gyda Chymdeithas yr Iaith Gymraeg. Ar ôl treulio bron i dair blynedd yn astudio gwleidyddiaeth yn y Brifysgol ger y lli, mae’n cymryd lle Bethan Williams fel Swyddog Maes, ac mae eisoes wedi dechrau ar ei waith o’r swyddfa yn Aberystwyth.

BRWYDRO YN NOD BYWYD

Pan welodd Elfed yr hysbyseb am y swydd hon, roedd yn rhaid iddo ymgeisio amdani. “Nod fy mywyd yw brwydro dros Gymru a’r iaith” meddai. Ac mae’r gŵr ifanc, a fu’n ymprydio’n ddiweddar dros ddatganoli darlledu i Gymru, wedi bod ar dân i weithio dros Gymru a’r Gymraeg ers iddo sylweddoli’n ifanc iawn mor lwcus ydym ni i gael ein hiaith a’n diwylliant ein hunain.

Mae “ysbryd radicalaidd” y Gymdeithas yn ei siwtio i’r dim felly. ‘Dyw protestio’n codi dim ofn arno, ac mae’n barod i wireddu egwyddor y mudiad ac ymwrthod â’r “drefn” er mwyn brwydro am fyd gwell i’r iaith Gymraeg a phobl Cymru, a brwydro anghyfiawnder.

CYMELL CELLOEDD

Un o’i brif dasgau fydd cymell celloedd y Gymdeithas i dyfu ar hyd a lled tair sir y gorllewin – yn ein cymunedau ac mewn ysgolion. Mae’n gweld bod cyfle i wneud newid mawr drwy annog pobl i frwydro dros yr iaith yn lleol ac yn genedlaethol. Mae hefyd am ddarganfod ffyrdd o’i gwneud hi’n haws i bobl ddi-Gymraeg ddysgu’r iaith yn y gorllewin.

Er ei fod yn sylweddoli maint yr her a’r problemau sy’n wynebu iaith leiafrifol, bachgen positif yw Elfed. Mae’n gallu gweld potensial mawr ar gyfer twf y Gymraeg yn y dyfodol. Fel y dywedodd wrth Golwg – “Mae wastad gobaith i lwyddo, ond rhaid brwydro yn galed amdano.”

Cafodd y swydd hon ei hysbysebu ar Golwg360

 

Penodiadau

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd