Penodi Pwy? Lauren Page a’i swydd newydd

Diweddarwyd  

Yr wythnos diwethaf ar Golwg360 Jo Parry, Rheolwr y Sefydliad Darganfod Meddyginiaethau newydd ym Mhrifysgol Caerdydd, oedd yn hawlio’r sylw ar y dudalen swyddi. Er nad yw Jo wedi dechrau ar ei gwaith eto – bydd yn cymryd yr awenau go iawn ar ddydd Calan Mai – mae Lauren Page wedi dechrau y mis yma ar ei chyfnod yn y Sefydliad. Dyma gyfle i ni ddod i adnabod Swyddog Gweinyddol y Sefydliad ychydig yn well…

Un o ble ydych chi?

Caerdydd. Es i i Ysgol Bro Morgannwg a Phrifysgol Met Caerdydd.

Pam wnaethoch chi ymgeisio am y swydd yma?

Pan welais fod siawns i fi defnyddio fy sgiliau gwyddoniaeth a fy Nghymraeg a chael siawns i weithio ar brosiect newydd, nes i neidio at y cyfle.

Beth ydych chi’n ei wneud o ddydd i ddydd?

Mae popeth mor newydd does ddim syniad ble bydd y swydd yma yn mynd, ond ar hyn o bryd rydw i’n helpu’r rheolwr a’r athrawon ysgol i sefydlu pethau. Byddaf yn gwneud tasgau gweinyddol fel dyddiaduron a threfnu cysylltiadau rhwng yr athrawon a’r sefydliad.

Beth oeddech chi’n ei wneud cyn hynny?

Roeddwn i yn gweithio fel gwyddonydd biofeddygol cyn y swydd yma. Rydw i hefyd wedi gweithio mewn canolfannau hamdden – yn y swyddfa ac ar y pwll. Rydw i wedi gwneud llawer o deithio hefyd cyn ac ar ôl mynd i’r Brifysgol.

Sut ydych chi’n treulio eich amser y tu allan i’r gwaith?

Yn y gym, yn y pwll nofio, a mas gyda fy nheulu

Hoff baned?

Coffi du mewn mwg ‘Beauty and the Beast’!

Beth yw eich gobeithion gyda’r swydd newydd?

Mae gan y sefydliad yma botensial i effeithio ar fywydau llawer o bobl trwy ddatblygu meddyginiaethau, ac mae’r cyfle i fod yn rhan o sefydliad fel yna yn gyffrous iawn.

Byw i weithio, neu weithio i fyw?

Gweithio i fyw!

 

Cafodd y swydd hon ei hysbysebu ar Golwg360 ac yn ein egylchlythyr swyddi.

Penodiadau

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd