Iestyn Wyn a’i swydd ddelfrydol yn “gwneud gwahaniaeth” i bobl LHDT

Diweddarwyd am  

Pan ofynnodd Golwg i Iestyn beth yw diben ei swydd newydd fel Rheolwr Ymgyrchoedd, Polisi ac Ymchwil Stonewall Cymru, ei ateb oedd “pedair wythnos i fewn i’r swydd ac mae’n barod wedi bod yn gyfnod prysur, felly oes ganddo chi drwy’r dydd?”

Heb os, mae hon yn swydd amrywiol a phwysig – un funud mae’n cynllunio ymgyrchoedd ac yn trefnu presenoldeb yr elusen mewn digwyddiadau ledled y wlad, a’r funud nesaf mae’n dylanwadu ar wleidyddion i greu newidiadau deddfwriaethol.

A’r ysfa i wneud gwahaniaeth er lles hawliau pobl LHDT yma yng Nghymru, a thu hwnt, a’i hysgogodd i ymgeisio am y swydd hon a symud ymlaen o’i swydd flaenorol, lle bu’n gyfrifol am bontio gwaith Cynulliad Cenedlaethol Cymru gyda phobl ifanc Cymru.

Oes her?

Yr her sy’n wynebu pobl LHDT ar hyn o bryd, ym marn Iestyn, yw’r naratif gwleidyddol prif-ffrwd sy’n annog gwahaniaethu. Mae troseddau casineb ar gynnydd, ac mae ef ei hun wedi cael profiad o ddioddef gwahaniaethu am ei fod yn berson LHDT. Digon o heriau felly, ond mae Iestyn yn gweld digon o gyfleoedd gyda Stonewall – y brif elusen LHDT yng Nghymru – i wneud gwahaniaeth go iawn i brofiadau bywyd pobl a chreu cydraddoldeb yn ein cymdeithas.

Pa wahaniaeth?

“Mae gan bawb yr hawl i fyw gan fynegi eu personoliaethau, eu hunaniaeth, rhywedd neu rywioldeb heb fod yn darged i wahaniaethu ac anghyfiawnder ar sail hynny” yw cri Iestyn. Felly pa wahaniaeth y mae am ei wneud yn ei swydd newydd? Wel, helpu i chwalu anghyfiawnder ac anghydraddoldebau, er lles pobl LHDT, trwy weithredu ar lefel leol, genedlaethol a rhyngwladol.

Ac er ei fod yn cyfaddef bod Cymru wedi bod ar flaen y gad fel lle cynhwysol o gymharu â chynifer o wledydd eraill ar draws y byd, mae’n ein hannog i beidio â theimlo’n “hunanfodlon” â’r sefyllfa, gan fod ymchwil Stonewall yn peri pryder o bryd i’w gilydd, ac yn dangos bod gwaith i’w wneud o hyd.

Mae’n olynu Mabli Jones yn y swydd, sydd wedi mynd i weithio i Blaid Cymru yn y Cynulliad. Ac yn ôl Iestyn, mae’n llwyr ymwybodol bod ganddo “esgidiau mawr” i’w llenwi…a rhai “glamorous” ar ben hynny!

Cafodd y swydd hon ei hysbysebu ar Golwg360.

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd